Kak ludźo hudźbu poskaja - wědomosć znaje wšelake kategorije... To je hnydom tema w našej rubrice Crescendo ze Symanom Hejdušku. Dale zhonimy wo wurywanju słowjanskeho sydlišća a zaběramy so z wólbnymi plakatami.

Dowol we Łužicy je tema našeho tydźenskeho komentara. Dale zhonimy mjez druhim, kak křesćanska je sakska politika. A mamy dalšu dowólbnu temu: w Smječkecach wšak bě wčera derje wopytany prěni wólbny forum Domowiny.

Wo wčerawšej wurjadnej zhromadźiznje šulskeje konferency Radworskeje serbskeje zakładneje šule. Přisydnik při sudnistwje Toni Ryćer so předstaji.

Předstajimy Danow w Němskej a jich medije. A rěčimy wo digitalnym naprašowanju MDRa pod hesłom LEBENSWERT k žiwjenskej kwaliće regiona a domizny.

Nowosće w nowym šulskim lěće mamy za was a hladamy wězo na brizantnu situaciju na Radworskej zakładnej šuli. Diana Fryčec Grimmigowa rozprawja wo burskich kaznjach.

Dźensa z nowosćemi ze šulstwa, nowy šulski nawoda w Pančicach Kukowje. A naš reporter Beno Šołta bě live po puću a to we Wjenkec blidarnje we Wotrowje.

W našim rańšim wusyłanju je so Syman Hejduška wěnował fenomenej Taylor Swift a naš onliner měni, retro handyje su zaso woblubowane.

Smy telefonowali do Roma, hdźež je tuchwilu 13. mjezynarodne putnikowanje ministrantow a ministrantkow. Wobhladamy pak sej tež mjezystaw Olympiskich hrow w Parisu.

Wězo so Olympiskim hram w Parisu wěnujemy – ale tež wulkemu jubilejej w Kamjencu, kotryž so klětu swjeći. Nimo toho zaběramy so z bladami.

Smy wopytali bratrowske město Ochranowa w Danskej z mjenom Christiansfeld! Mamy pak wězo tež aktualne sportowe wuslědki za was a zaběramy so ze zajimawym prašenjom.