Skupina Łužičanka hotuje so na kónclětny wustup, w Běłej Wodźe so wuspěšnje lodohokej hraje a pohladnjemy do składa wšelkich apotekow.

Serbska ekumeniska skupina w Drježdźanach, kreatiwne adwentne poskitki w SKI a mjeńšinowy škit w Ukrainje – to a wjac słyšiće dźensa w druhej snědani!

NSLDź swjeći jubilej, wobhladamy sej sportowe wuslědki a k zazběhej do adwentneho časa smy so prašeli: kotre dary k hodam njedariš?

Dźensa pohladamy na serbskej onlinowej kalendraj. Dale mamy nowostki z Njebjelčanskeje gmejnskeje rady. A w našej rubrice Crescendo zaběramy so tónraz z weganymi instrumentami.

Dźensa wo wobzamknjenju hospodarskeho plana Załožby za serbski lud za 2024. Kak so w sněhakowarskich arealach Hornjeje Łužicy na prěni zymsko-sportowy kónc tydźenja hotuja a smy wustajeńcu „Dwórnišćo pisanosće“ wopytali.

Dźensa tematizujemy rěčne kopolaki, zetkamy Křesćana Lebzu ze swojim komunikaciskim blidom a zhonimy wo negatiwnych wuskutkach sporta na narodnu mjeńšinu Ladinow.

Pohladamy hišće raz na 149. Schadźowanku w Budyskej Krónje. Nimo toho wěnujemy so poswjećenju pomnika swjateju Cyrila a Metoda a pokazamy na hodownu akciju towarstwa swj. Filomeny.

Kolesowanje w zymje, swójbne whatsappowe skupiny a wohnjowa wobora gmejny Ralbicy-Róžant – to a wjac dźensa w druhej snědani!

Dźensa rano mějachmy wosebitu telefonowu akciju k filmej “Tři worješki za popjelawku”! Nimo toho zjimamy wčerawšu hłownu a wólbnu zhromadźiznu župy “Michał Hórnik”.

Manipulacija při naprašowanju, protesty w Španiskej a prašenje: kotry són byšće sej spjelnili, hdyž byšće wědźeli, zo jutře zemrějeće?