Kmótřiske całty, pohosćenje turistow k jutram na wsach a jutrowne pokiwy w Budyšinje – to su někotre hesła, wo kotrychž hnydom wjace zhoniće.

Smy z wukubłarjom čarowych stražnikow při motorsporće rěčeli! Wězo wěnujemy so tež přihotam na jutry a naša lětuša baćonjaca lisćina so hižo pjelni.

Wězo mamy zaso sportowe wuslědki minjeneho kónca tydźenja za was. Nimo toho wotměje so w Budyšinje aktualnje jutrowny seminar MENS a před 25 lětami bu “nowy” Serbski zakoń podpisany.

W syći namakaće dalšej hudźbnej titulej, zajimawe šulerske wubědźowanje so tuchwilu přewjedźe a techno-kultura w Berlinje je so do imaterielneho kulturneho herbstwa přiwzała.

Fenomen we Wotrowje je wulka tema po cyłej Hornjej Łužicy, w dalokoskoku přemysluja wo reformje a w Drježdźanach je přichod serbskeho poskitka njewěsty.

Zaběramy so ze serbskej literaturu, wopytamy sedłarja w Kamjenej a předstajimy Frizow w Němskej a jich medije.

Jubilejne jutrowne wiki su so minjeny kónc tydźenja wotměli, je so zaso tójšto sportowało a smy so z nowej dirigentku 1. Serbskeje kulturneje brigady rozmołwjeli.

Druha snědań wěnuje so tež dźensa zaso wšitkim aktualkam dnja, dale pohladamy na konferencu Serbskeho instituta. A wězo staj tež serijalaj "Crescendo" a "Wěda, wědomosć a wunamakanki" pódla.

Wo serbskim šulstwje je srjedu na 80 ludźi w Chróšćanskej Jednoće diskutowało.

A palaca tema w Delnjej Łužicy: Serbski sydlenski rum.