Někotre lěta je Marek Rjelka dźěłał pola Frauenhoferoweho instituta. Nětko je so z dalšimi třomi a z cyle specielnej ideju, haj wunamakanku, zesamostatnił. Što so za tym chowa - to je Benej Šołće powědał.

coding, trojodimensionalny ćišć, trut (Drohne), animacija a Calliope - to běchu temy medijoweho labora. Na Youtube móžeće sej prezentaciju temow tydźenja Sakskeho wukubłanskeho kanala wobhladać.

1999 namakana tarč je něhdźe 4.000 lět stara a pokazuje dotal najstarše znate konkretne zwobraznjenje njebja. Widźimy na njej mjez druhim hwězdy, słónco a měsačk. Je čas za wědu, wědomosć a wunamakanki z Měrćinom Wjenku.

Stołpinski hród, twjerdźizna Königstein abo hród Hohnstein - wulět do Sakskeje Šwicy so přeco wudani. Sej blišu wokolinu wobhladać a tam rjane blečki za sebje wotkryć, měni Achim Mič. Clemens Šmit rozprawja.

Wustajenca nasta w zamołwitosći Towarstwa Cyrila a Metoda zhromadnje z Chróšćanskej wosadu a tamnišim Bratstwom swjateho Bosćana składnostnje lětušeje 600. róčnicy załoženja bratstwa. Matej Dźisławk wo pozadkach.

Wot lěta 2011 přewodźa Serbski rozhłós štyri WITAJ-dźěći, wot pěstowarniskeje staroby. Tež lětsa, krótko do šulskich prózdnin, je so Monika Gerdesowa ze swojimi "mótkami" zetkała, kiž su mjeztym 11 a 12 lět.

Michaela Dźisławkowa je wjele lěta serbšćinu jenož słyšała, doniž njedóstnje so do ryzy serbskeje swójby. Njedawno je so Blanka Funcyna z 41-lětnej maćerju štyrjoch dźěći tu w studiju k rozmołwje zetkała.

Přiroda wabješe a wabi tež jeho - wučerja a lektora na wuměnku, Jana Krala z Boranec. Wuslědk je čitanka "Zelena radosć". Wona je runje w Ludowym nakładnistwje Domowina wušła. Monika Gerdesowa je knihu hižo čitała.

Šulu, studij abo wukubłanje wotzamknyć w času korony - wulke to wužadanje za młodostnych. W minjenym njedźelnišim wusyłanju je so naš reporter Feliks Cyž runje tutej tematice wěnował.