Wot 1. januara 1992 słuša Serbski rozhłós w Budyšinje k zjawnoprawniskemu sćelakej MDR. 30. róčnicu toho potajkim lětsa swjećimy. Matej Dźisławk je stawiznički a kuriozity ze zašłych třoch lětdźesatkow wupytał.

Jenož z myslenjom kompjutery a robotery posłužować - to klinči w prěnim wokomiku kaž science-fiction. Tola na tym so slědźi. Z tym so je Měrćin Wjenk składnostnje 100. wusyłanja Wědy, wědomosće a wunamakankow zaběrał.

Jan Radyserb Wjela bě serbski wučer, basnik a spisowaćel. Monika Gerdesowa bě wo nim zestajiła před 15 lětami dlěše wusyłanje. Wšak spominachmy 19. Januara 2007 na jeho 100. posmjertniny.

Annemarie Kreidl, přiwzata Hana Šěrcec, kiž w Hórkach wotrosće, bu katolsce křćena, nošeše serbsku katolsku drastu. Wjesnjenjo dožiwichu ju jako normalnu serbsku katolsku holcu. Monika Gerdesowa rozprawja.

Lětsa je tomu 1.700 lět, zo mamy prěnje dopokazy za spočatki Židowskeho žiwjenja na teritoriju dźensnišeje Němskeje. Monika Gerdesowa je so prašała: Kotry poměr mějachu a maja Serbja k Židam?

Drje su Serbja jako narodna a přez lětstotki diskriminowana mjeńšina tróšku imuni byli přećiwo najhóršim wurostkam njepřećelstwa přećiwo Židam. Ale nic cyle. Z tym je so zaběrała wědomostnica Anna Měrćinowa.

Serbska literatura trjeba dorost. A serbska literatura ma dorost. Ćiche a schowane talenty pak je trjeba wuslědźić. Monika Gerdesowa někotrych z pisacych a jich twórby předstaji.

Achim Mič je hižo tójšto dožiwił. Znaty serbski krosnowar a něhdyši wučer bě w Pamirje, w Kawkazu, haj samo w Nepalu po puću. W našim wusyłanju rozprawja wo swojich dožiwjenjach kaž tež wo ćežkich wokomikach žiwjenja.

Załožba za serbski lud je přeprosyła na druhu digitalizacisku konferencu. Matej Dźisławk je so na njej wobdźělił. Serbja a digitalizacija - je to tema, kiž Załožbu wšak hižo dlěje zaběra. Kajki je aktualny staw?

W našim připołdnišim programje běše jednaćel Ludoweho nakładnistwa Domowina, Syman Pětr Cyž, w studiju. Tak je mjez druhim wo nowym młodźinskim formaće "młody magacin" powědał.