Käymä paikan päälä ko Parkalompolo IK fiiraa 70 vuotta. Lämpimästä ilmasta ja korkeasta veestä joka vaikuttaa Tornionväylän lohenkalastuksheen. Lähemä hillajänkäle marjaplokkaajan Riitta Bomanin kans. Kohtaama heinäkuun prufilin Meänraatiossa - trypatyyri Bosse Lindberg kenen lauluääni ja kitaransoitto oon kuulunu jo viiskymmentä vuotta Tornionlaaksossa, Ruottissa ja muualaki.

Lyssna på alla avsnitt i Sveriges Radios app.

Kuulema rullaavasta miini-myseymmistä jonka tarkotus oon levittää Tornionlaakson histuuriaa pitkin Ruottia. Silakan puutheesta joka nyt uhkaa Ruottin perintheistä kalaruokaa syyrströmminkiä. Ette leipoa voipaakelsia - sitä konstia Signe tänäpäivänä opettaa hänen keittokoulussa.

Lyssna på alla avsnitt i Sveriges Radios app.

Karl-Gustav Niska vastaa kritikhaan kohti rohkeata graffiti-maalausta mikä nyt koristaa hänen fapriikin seinää Mataringissä. Seittenkaahressa oon alkanu kielileiri, joka pruukaa loppua ääventyyrilä. Björn Ylipään filosoofisia hunteerinkiä jänkästä, ko niistä oon nimittäin tulossa kirja. Käymä Korpikylässä jossa valmistelutyö keskikesänjuhlin oon käynissä. Kriisi perheessä pani hänet kirjottamhaan - kohtaa meän kesävierasta, Haaparannasta kotosin Elisabet Essegård.

Lyssna på alla avsnitt i Sveriges Radios app.

Meänraatio oon kylässä kylässä Rantajärvessä Mataringin kunnassa. Kohtaama kyläläisiä, kesävierhaita ja vielä Rantajärven aivan ommaa vahtimestaria.

Lyssna på alla avsnitt i Sveriges Radios app.

Kohtaama Met Nuoretin nuoriso-stipentin ja STR-T:n kyltyyri-stipentin voittajat, jokka palkithaan heän työstä kyltyyrin ja kielen puolesta. Suaningissa olhaan touhussa ko "Rajaton" leiri oon käynissä taas, pitkän pantemiia-pausin jälkhiin! Kulttuuritapahtuma Väyläfestivaali oon alkanu ja siinä tullee muun muassa musikkia ja runoja Torniosta Kilpisjärhveen saakka. Kunka sitä keittää oorninki kahvit - opi konstin Signen keittokoulussa.

Lyssna på alla avsnitt i Sveriges Radios app.

Junosuanossa fiirathaan läänin vanhiinta jalkapallokoulua joka täyttää 40 vuotta. Mataringissa peitethään rumia tehas-seiniä färikhäilä maalauksila ko grafitti-viikko oon käynissä. Nuoret tornionlaaksolaiset, kväänit ja karjalaiset kohtaavat toisia kulttuuri- ja kielileirissä Karjalassa. Uintikilpailu starttaa lauantaina Juoksengissa ja kilpailijat uivat yli napapiirin. Matarengin markkinoila satsathaan tornionlaaksolaisheen ruokakulttuurhiin. Ruokahinnoista jokka nousevat.

Lyssna på alla avsnitt i Sveriges Radios app.

Meänraatio oon Kylässä kylässä - tällä kertaa Saittarovan kylälä, Pajalan kunnassa. Kylä oon kahen järven välissä, Saittajärvi itäpuolela ja Ruokojärvi länsipuolela. Saat kohata kyläläisiä ja kesäviehraita.

Lyssna på alla avsnitt i Sveriges Radios app.

Sattajärvessä Pajalan kunnassa tapahtu vakava piilionnettomuus missä kolme nuorta miestä menetti hengensä. Tornionlaakson rajan merkitys, varsinki pantemiian aikana, oon yks asioista mitä nostethaan framile Suomi Areena-tapahtumassa. Taite-prujektista suomen Kolarissa minkä kautta yksin asuvat ikäihmiset oon saanheet laulaa, tanssia ja seurustella "sirkus-clownin" kansa. Kans siittä miten kesäkukat hoitaa ko lähtee semestille, ja onko aurinko vai vesi isompi uhka?

Lyssna på alla avsnitt i Sveriges Radios app.

Tervetulokylttejä kylilä oon sahattu ja otettu alle Matarenkin kunnassa ko uusi alaentreprenööri oon tulossa. Käymä taitenäyttelyssä missä vanhat väävitoolit, kaffipannut ja maitopallit saavat uuttaa elämää. Saapiiko Pettersonin Sixte harria hänen omatekosella koijuvapala - Meänraatio hyppäsi venekyythiin ja lähti kattomhaan. Signen kakskielinen keittokoulukirja tarjoaa resähtiä Tornionlaaksosta. Ja kans viikonloppu-tipsiä sulle joka tykkäät vaikka karaokesta, joulupukista eli rokki-musikista!

Lyssna på alla avsnitt i Sveriges Radios app.

Kuoksu oon se kylä missä Meänraatio oon Kylässä kylässä tällä kertaa. Kuoksun kylä oon Tornioväylän kummalaki puolen, Kierunan kunnan itäosassa. Saat kohata kyläläisiä ja kesävierhaita.

Lyssna på alla avsnitt i Sveriges Radios app.