នៅ​ព្រឹក​មិញ​នេះ សមាជិកសភា​មកពី​គណបក្សកាន់អំណាច​បាន​រួមគ្នា​អនុម័ត​វិសោធនកម្ម​ច្បាប់​ស្តីពី​ការបោះឆ្នោត​ជ្រើសតាំង​តំណាងរាស្ត្រ និង​វិសោធនកម្ម​ច្បាប់​ចំនួន​បី​ផ្សេងទៀត​ដើម្បី​ឲ្យ​មានការ​បែងចែក​អាសនៈ​គណបក្ស​ដែល​ត្រូវ​រំលាយ​ទៅ​ឲ្យ​គណបក្ស​ដទៃ។ ចំពោះ​ការធ្វើ​វិសោធនកម្ម​ច្បាប់​ទាំង​បួន​នេះ លោក​កឹម សុខា ប្រធាន​គណបក្ស​សង្គ្រោះ​ជាតិ​ដែល​កំពុង​ត្រូវបាន​ឃុំខ្លួន​នៅក្នុង​ពន្ធនាគារ​ត្រពាំង​ផ្លុ​ង​មិន​ពេញចិត្ត​ទាល់តែសោះ​ដោយ​ថា មិនអាច​ទទួលយកបាន​នោះទេ។ នេះ​បើតាម​ការបញ្ជាក់​របស់​លោក​មេធាវី​សំ សុ​គង់ នៅក្នុង​បទសម្ភាសន៍​ជាមួយ​វណ្ណ សុគន្ធា បន្ទាប់ពី​លោក​បាន​ទៅ​ជួប​លោក​កឹម សុខា​នៅ​ព្រឹក​មិញ​នេះ។