Die Ekonomiese Vereniging van Namibië het onlangs 'n begrotinggesprek in die hoofstad aangebied, waar onder andere werkloosheid bespreek is. Gebaseer op die Namibiese Statistieke-agentskap se 2023 Arbeidsmagverslag, staan Namibië se amptelike werkloosheidsyfer op 36,9 persent. Die breër, meer realistiese maatstaf van werkloosheid, wat diegene wat ophou werk soek het insluit, is aansienlik hoër op 54,8 persent. Jesaya Hano-Oshike, die vereniging se voorsitter het 'n oplossing.