Grönland dominéiert zanter Wochen d’Aktualitéit, wéinst dem amerikanesche President Donald Trump senge Pläng Kontroll iwwer den Territoire ze kréien. Och wann den Donald Trump lescht Woch seng Droungen deelweis revidéiert huet, bléift een an Europa besuergt. Gëschter koumen déi dänesch Premierministesch, de grönlännesche Premier an de franséische President zu Paräis zesummen an hunn sech fir eng méi staark NATO Präsenz an der Arktis ausgeschwat. Vu Paräis, de Max Tholl.