Ee Bréif, an deem méi Verkéierssécherheet um Lampertsbierg gefuerdert gëtt, gouf dem Stater Mobilitéitsschäffe Patrick Goldschmidt gëschter iwwerreecht.

Dee Bréif ass nom Accident an der Avenue Victor Hugo Mëtt Mäerz op privater Initiativ vun enger Awunnerin entstanen a gouf vu 453 Persounen aus deem Quartier ënnerschriwwen. D’Zil ass et nees ee Quartiersliewen a méi Sécherheet ze kréien.