Hello hello, Ricky het mal de Podcast gear iipackt und as Fear for Ever Konzert im Werk21 mitgnoh. Mit debi sind die Jungs vo Wrath of Alga, A Small District, The Kate Effect, Fear Lab und Polar Shift gsi.

Paar vo dene Brudis hemmer chönne sponti für de Podcast hole. Mir hätted gerne meh gholt, sind aber recht im Stress gsi mit eusi Ämtlis. De Bella het Bass mit Fear Lab gspielt und paar Features gmacht, und de Ricky het die Liechttechnik übernoh sowie au paar Features gmacht.

Es isch aber e sehr lustige Abig gsi, hoffemer es wird au e lustigi Folg für eu alli. En liebe Gruess a de Brudis wo a dem Abig debi gsi sind, es het uhuere Spass gmacht!

Yo salü, hüt het de Bella unbedingt welle mitem Ricky go bouldere, also hend die Herre gfunde sie mached mal zerst na e gemüetlichi Folg bevor si los gönnd. Übrigens euse Metal Cervelat Side project, Taoist het hüt e neue Song released namens "Enter The Cavalry". Checkeds doch mal ab :)

Mir sind zrugg und verzähled biz über alles was hinter die Kulisse i letzte Ziit so läuft. Taoist (taoist.hc) isch jetzt ofiziell und mir werded i negscht Ziit ahfange hassigi Musik release, also folg eus uf IG wenn meh devo erfahre wetsch.

Wenn mir ned podcasted und hassigi Musik mached, spielemer übrigens mit DJ Pults , meh erfahrsch du i dere Folg :)

Heyo mir sind zrugg us de Summerferie, mir verzähled e chli was alles i dere Ziit los gsi isch und bringed eu wieder mal e bizeli News us die Schwiizer Musik Szene.

Mir sind natürli ned nur am Fritig am Open Air Gränichen gsi, sonder au am Samstig. De Brian und de Bella hend die Chance gad gnutzt zum mit Vodew, A Small District und Breakdown Of Sanity bizeli übers Lebe, Musik und susch alles mögliche vorem Mikrofon zrede. Also hopp, hol dir öpis zum trinke und gnüss die zweiti Open Air Gränichen Folg vo Metal Cervelat (mit hammer Support vo Wer Blastet Was Podcast).

Merci as Open Air Gränichen für die Chance, es isch echt hammer gsi!

Mir berichted vom Open Air Gränichen, diesmal aber hinter die Kulissen!

Hüt isch sponti na de Mike dezue cho und mir hend wieder mal e lustigi und lockeri mini Wurstrundi gha. E family folg isch immer guet, hol dir es bierli und los mal mit

Mir hend wieder mol Gäst liebi Lüüt. Die liebi Jungs vo Moment of Madness sind bi eus zBesuech gsi und hend mit eus es guets wiili über alles mögliche diskutiert. Vo Greenfield Festival spiele bis zu Marketingstrategie und Business Management und und und, es isch alles debi. Unbedingt driilose, es sind gueti 2 Stund volle Wertvolle Erfahrige und Infos gsi!

Was? 2 Folge i diesselbi Wuche? Genau das, mir hend na easy lang übers Greenfield geredet und hend gfunde Bella's 30te und de letzte Whiteout Konzert sölled e eigeni Folg becho.

Nomal es fetts Dankeschön a alli wo am Samstig debi gsi sind, isch e super Party gsi!

hey yo hüt redemer e lockeri 2 e halb Stund übers Greenfield inkl Greenfield Foundation Band Day, eusi Gedanke zu alles rund um Greenfield und was det alles so gloffe isch. Wenn au debi bisch gsi, dann sindmer gspannt ob mir da die gliichigi Meinig gha hend, also schriibed mal da ide Comments!

Übrigens, findsch was mir do mached cool? Du chasch eus via Patreon supporte unter www.patreon.com/MetalCervelat