البورصة مش حفرة! البورصة استثمار فيها مخاطر لكن فيها مكسب كمان! لو مهتم تعرف تتعامل ازاي مع المخاطر دي وتكسب منها، اسمع الحلقة دي!

أخر حلقة في الموسم الأول من محسوبة صح مع خالد يونس.  هنتلكم عن فايدة التأمين وهنراجع أهم المواضيع المهمة للصحة المالية.

في الحلقة دي، خالد يونس هيشرح أعجوبة العالم الثامنة: التحويش المركب

هنتابع الكلام في البنوك والإستثمار، وفي الحلقة دي خالد يونس وضيفه أ/عمرو  شوقي هيوضحوا ليك تستثمر في إيه من أدوات البنوك وقد إيه وامتى على حسب  إحتياجاتك.

علشان يبقى عندك صحة مالية، لازم تعرف ازاي تتعامل مع البنوك، وتفهم أدوات البنوك تقدر تساعدك إزاي. اسمع حلقة جديدة مع خالد يونس وضيفه عمرو شوقي.

كلنا بتواجهنا مشاكل مع الفلوس، بس سر الوصول لحياة مالية سليمة إننا منخفش نراجع مصاريفنا حتي لو عندنا عجز في الميزانية.

سؤال كلنا بنلاقي نفسنا بنسأله قبل أخر الشهر. فيا ترى إيه السبب؟ وإزاي نقدر ننظم مصاريفنا علشان يبقى عندنا صحة مالية.

في أول حلقة من بودكاست محسوبة صح هنعرفك أكتر عن مفهوم الصحة المالية و ايه أهمية إن يكون عندك خطة مالية منظمة ومدروسة تناسب دخلك الشهري واحتياجاتك ومصاريفك الشهرية. هنعرفك ازاي تحط خطة مالية متكاملة تحقق من خلالها أهدافك على المدى القريب و البعيد. وازاي تنظم اولوياتك وتصرف فلوسك على الحاجة اللي تستحق بجد من غير ما تيجي على نفسك واحتياجات عيلتك. هنعرفك كمان ليه أكتر الناس اللي ناجحين فحياتهم هما الي عندهم استراتيجية مالية محسوبة بالميللي وازاي قدروا يحافظوا عليها ويطوروها خطوة بخطوة.

محسوبة صح.. بودكاست الصحة المالية. هتعرف فيه كل اللي محتاجه علشان تظبط أمورك المالیة، راحتك وھیدیك حلول علشان تخطط لحیاة أفضل. استنونا كل أسبوعين على منصة البودكاست اللي بتحب تسمع منها!