Die uitvoerende raad van die Internasionale Monetêre Fonds het Vrydag die Artikel IV-konsultasie met Namibië vir 2026 afgesluit. Die fonds sê die konflik in die Midde-Ooste hou afwaartse risiko's vir Namibië se groeivooruitsigte in, tesame met die voortgesette daling in diamantpryse. Spanleier Xiangming Li sê verdere fiskale aanpassing is van kritieke belang om skuld stewig op 'n afwaartse pad te plaas, wat konkrete maatreëls sal vereis om te verseker dat die beoogde primêre surplusse onder die mediumtermyn-bestedingsraamwerk haalbaar is.