Сонсогч танд шинэ 7 хоногийн өглөөний мэнд хүргэе. Миний өглөө цуврал подкастын 197 дахь угаар танд хүрч байна. Энэ удаагийн дугаартаа бид Улс төр судлаач Д.Оргилтой ярилцлаа. Зөвхөн улс төр судлаач, иргэний нийгмийн байгууллагын төлөөлөл бус иргэн бүр анхаарлаа хандуулан танилцах, ойлголтоо нэгтэх 3 том хуулийн төсөл энэ цаг үед хэлэлцэгдэж байна. Үндсэн хуулийн нэмэлт өөрчлөлтийн тухайд түр азнаад, Улс төрийн намын тухай хууль, сонгуулийн тухай хуулийн кейс дээр судлаачийн байр суурийг хүргэж байна. Хуулийн төсөл батлагдсанаар улстөрийн намын эрх зүйн орчин сайжирч энэ хүрээнд гарах үр дүнг танилцуулж, улмаар  улс төрийн намын шинэтгэлийг хэрэгжүүлснээр Монгол Улсын Үндсэн хуулийн суурь үзэл баримтлалын үндэс болсон иргэдийн улс төрийн эрх, эрх чөлөө баталгаажиж, намд итгэх иргэдийн итгэл дээшилж, төрийн бодлого, шийдвэр гаргах явцад ард иргэдийн шууд оролцоо нэмэгдэж, улс төрийн намуудад өрсөлдөөний ижил нөхцөл бий болгож, авлигын түвшин бууруулахад эерэг үр дүн авч ирнэ гэсэн хүлээлд нийгмийн бүлгүүдэд байна .

Сонсогч танд өглөөний мэнд хүргэе. Миний өглөө подкаст 196 дахь дугаараа танд хүргэж байна. Бид энэ удаагийн дугаартаа Хөвсгөл аймаг дахь Политехник коллежийн захирал Н.Баатар-Очиртой ярилцлаа. Тус коллеж 1973 онд 3 мэргэжлийн ангид 60 сурагч 3 багштай “Ойн Техник Мэргэжлийн Сургууль” (Ойн ТМС) нэртэйгээр байгуулагдсан түүхтэй. Байгуулагдсанаас хойш 35 мэргэжлээр 13000 гаруй мэргэжилтэй ажилтан бэлтгээд байна.  50 жилийн ойгоо угтан "Нэг төгсөгч-Нэг мод" нөлөөллийн аяныг өрнүүлж, хүрээлэн буй орчинд чиглэгдсэн олон бүтээлч ажлуудын талаар хуучиллаа.

Сонсогч танд шинэ сарын, шинэ 7 хоногийн, шинэ өглөөний мэнд хүргэе. Миний өглөө подкастын 195 дахь дугаар танд хүрч байна. Бид энэ удаагийн дугаартаа Зориг сангийн байгаль орчны манлайлагчид 13 дахь хөтөлбөрийн оролцогчдын санаачлан хэрэгжүүлж буй https://www.facebook.com/remap.ub төслийг онцолж байна. Энэхүү төсөл нь хог хаягдлыг бууруулахад иргэд болон байгууллагын оролцоог нэмэгдүүлж, дахин ашиглах, боловсруулах боломжтой сав боодлыг тухайн байгууллагад эргүүлэн өгөх замаар хог хаягдлыг эх үүсвэр дээр нь бууруулах алхмыг идэвхжүүлэх зорилготой, өврийн дэвтэр бүхий төсөл юм. Ингээд төслийн багийн гишүүн Д.Наранцэцэгийн ярианаас илүү дэлгэрэнгүйг хамтдаа сонсъё. #remapub #efp13

Сонсогч танд өглөөний мэнд хүргэе. Миний өглөө цуврал подкастын ээлжит дугаар танд хүрч байна. Бид энэ удаагийн дугаартаа https://www.instagram.com/sec_ndfashion/ үүсгэн байгуулагч О.Энхзултай ярилцлаа. Та бидний өмсдөг цайны ганцхан подволкыг үйлдвэрлэхийн тулд 2700 литр ус хэрэглэдэг гээд бод доо. Хүн өдөрт 1.5 литр ус уудаг гэж үзвэл 1800 өдөр буюу 5 жил уух усаар ганцхан подволк хийдэг гэсэн үг. Монгол хүний дундаж наслалт 70. Тэгвэл бүх насаараа уух усныхаа хэрэглээтэй дүйцэхүйц 14 ширхэг подволк худалдан авдаг байх нь ээ. Даавууны түүхий эдийг ургуулах, үйлдвэрлэх, тээвэрлэх зэрэгт маш их эрчим хүч зарцуулдаг хэдий ч угааж, цэвэрлэхэд хамгийн их эрчим хүч зарцуулдаг байна. Ингээд бодохоор бидэнд хэдэн подволк хэрэгтэй вэ? Шинийг авах хэрэг байна уу? гэдэг асуулт гарч ирнэ. Дээрх асуултад хариулт өгөх зорилгоор sec_ndfashion-ы хамт олноос тогтвортой хэрэглээг бий болгох, байгальд ээлтэй, загварлаг байхыг уриалж байна.

Сонсогч танд шинэ 7 хоногийн өглөөний мэнд хүргэе. Миний өглөө подкаст шинэ дугаараа танд хүргэж байна. Бид энэ удаагийн дугаартаа Чингэлтэй дүүргийн ИТХ-ын төлөөлөгч, Хүүхдийн Номын Өргөөний захирал, Чингэлтэй дүүрэг дэх залуучуудын холбооны тэргүүн Б.Болортунгалагтай ярилцлаа.

Сонсогч танд шинэ 7 хоногийн өглөөний мэнд хүргэе. Миний өглөө цуврал подкастын ээлжит дугаар танд хүрч байна. Бид энэ удаагийн дугаартаа улс төр судлаач П.Бодьсайхантай ярилцлаа.

Сонсогч танд шинэ сарын, шинэ 7 хоногийн, шинэ өглөөний мэнд хүргэе. Миний өглөө подкастын 191 дэх дугаар танд хүрч байна. Бид энэ удаагийн дугаартаа Хувь хүний хөгжлийн сургагч багш, Монголын мэтгэлцээний нэгдсэн танхимийн шүүгч А.Амаржаргалтай ярилцлаа. Бидний илтгэх урлаг, мэтгэлцээн, хувь хүний хөгжлийн талаар ярилцсан дугаарыг тухлан сууж, таалан сонсоно уу

Сонсогч танд шинэ 7 хоногийн өглөөний мэнд хүргэе. Миний өглөө подкаст танд ээлжит дугаараа хүргэж байна. Бид энэ удаагийн дугаартаа Хөвсгөл аймгийн Мөрөн хотын төрөлжсөн сургалттай Авьяас бүрэн дунд сургуулийн захирал Г.Анхтуяатай ярилцлаа. Тус сургуулийн хувьд Тогтвортой хөгжлийн боловсрол төслийн жишиг сургууль бөгөөд сургалтын агуулга, багш, сурагч нарын хандлага дадалд ямар өөрчлөлт хийсэн тухай энэ удаагийн дугаараас сонсох боломжтой

Сонсогч танд шинэ 7 хоногийн мэнд хүргэе. Миний өглөө подкаст энэ удаагийн дугаартаа Бадминтоны спортын ОУХМ М.Золзаяатай ярилцлаа. 2012 оноос хойш уламжлал болон зохиогдож буй бадминтон сонирхогчдын УАШТ энэ жил анх удаа Хөвсгөл аймгийн Мөрөн хотноо

боллоо. Гуравдугаар сарын 16-18-ны өдрүүдэд зохиогдсон уг тэмцээнд 7 аймаг, 6 клубийн 186 тамирчин 4 насны 20 ангилалд 99 медалийн төлөө өрсөлдөв. Тэмцээнд нийт 7 аймаг дүүрэг, 6 клубийн 186 тамирчин 4 насны 20 төрлөөр 99 медалийн төлөө 3 өдрийн турш өрсөлдөж аваргуудаа

шалгарууллаа.

Багийн нийлбэр дүнгээр

Нэгдүрээг байр:

6 Алт, 1 Мөнгө, 1 Хүрэл медалиар Улаанбаатар хотын

Т.Ууганбаяр дасгалжуулагчтай "Shuttle club"-ийн баг тамирчид

Хоёрдугаар байр:

4 Алт, 2 Мөнгө, 2 Хүрэл медалиар Улаанбаатар хот, Налайх

дүүргийн П.Идэрхангай дасгалжуулагчтай баг тамирчид

Гутгаар байр:

4 Алт, 1 Мөнгө, 4 Хүрэл медалиар Хэнтий аймгийн О.Төрболд

дасгалжуулагчтай баг тамирчид шалгарлаа.

Сонсогч танд шинэ 7 хоногийн өглөөний мэнд хүргэе. Миний өглөө подкастын шинэ дугаар танд хүрч байна. Бид энэ удаагийн дугаартаа Хот төлөвлөгч Б.Амарзаяатай ярилцлаа.