Eitt sinn voru minningargreinar síðasta tækifærið til að kveðja látna ástvini opinberlega. Í dag hafa samfélagsmiðlar gert okkur kleift að halda áfram að minnast fólks á opinberum vettvangi hvenær sem okkur langar til þess. Við ræðum opinbera sorg við Þórunni Ernu Clausen og skoðum hvað framtíðin kann að bera í skauti sér fyrir minningargreinar. Auk þess fáum við loksins svar við rannsóknarspurningu þessarar þáttaraðar: Eru minningargreinar í lífshættu?

Í dag fá flestir Íslendingar um sig eftirmæli í Morgunblaðinu. Syrgjendur senda inn hugleiðingar sínar og minningar um hinn látna og búið er um þær af kostgæfni. En hvernig er að vinna við að lesa minningargreinar alla daga? Í þættinum er rætt við Styrmi Gunnarsson, fyrrum ritstjóra Morgunblaðsins og Guðlaugu Sigurðardóttur, framleiðslustjóra Morgunblaðsins sem og Hjalta Stefán Kristjánsson, fyrrum umsjónarmann minningargreina. Eins eru rifjuð upp mistök í minningargreinum og dánartilkynning sem send var inn um lifandi mann.

„Elsku strákurinn minn, loksins get ég sett mig í sporin þín. Sársaukinn við að missa þig er óbærilegur, alveg eins og sársaukinn þinn síðustu mánuðina. Eini munurinn: hugurinn minn er frískur og ég veit þetta verður ekki alltaf svona. Annars myndi ég líka velja hvíldina.“

Svona hefst minningargrein Evu Skarpaas um son hennar, Gabríel Jaylon Skarpaas Culver. Í þætti dagsins heyrum við sögu Gabríels og söguna af því hvernig Eva skrifaði minningargreinina hans.

Um ritun minningargreina hafa gilt ýmsar skrifaðar og óskrifaðar reglur. Stærsta breytingin sem hefur átt sér stað í ritun minningargreina felst úr hreyfingunni frá 3. yfir í 2. persónu. Styrmir Gunnarsson, fyrrum ritstjóri Morgunblaðsins, segir frá því hvernig reglan um 3. persónuna komst á og Annadís Gréta Rúdolfsdóttir prófessor ræðir kynjun minningargreina. Þá les Sölvi Sveinsson skólastjóri minningargrein sína um mann sem var „ekki allra“.

Þann 5. Október, 2011 sendi Timothy D. Cook, forstjóri Apple, tölvupóst á starfsmenn fyrirtækisins. „Ég þarf að deila með ykkur einkar sorglegum fréttum,“ skrifaði hann. „Steve lést fyrr í dag.“ Innan við klukkutíma síðar hafði The New York Times birt 3.500 orða minningargrein um frumkvöðulinn Steve Jobs á vefsíðu sinni.

Í þessum fyrsta þætti minningargreina skoðum við muninn á erlendum og innlendum minningargreinum. Við leitum að elstu minningargreinum Íslands og ræðum við Dr. Árnason um þær breytingar sem orðið hafa á ritstíl og efni minningargreina á síðustu áratugum.

(Áður á dagskrá 2020)

Í þessum þætti ræðir Jafet Máni við Núma Snæ Katrínarson sem er fæddur árið 1980. Hann Stofnaði líkamsræktarstöðina Grandi101 ásamt fjölskyldu sinni árið 2017. Einnig var hann einn af eigendum Crossfit Nordic sem staðsett er í Svíþjóð. Í þáttunum Fram á við talar Jafet Máni við fólk sem hefur náð langt í sínum geira eða skarað fram úr í íslensku viðskiptalífi svo eftir því sé tekið.

Í þessum þætti ræðir Jafet Máni við Hrefnu rósu Sætran. Hún er meðeigandi eigandi í Fisk- og grillmarkaðnum, Skúla craft bar, bao bun og Bríet íbúðargistingu. Í þáttunum Fram á við talar Jafet Máni við fólk sem hefur náð langt í sínum geira eða skarað fram úr í íslensku viðskiptalífi svo eftir því sé tekið.

Í þessum þætti ræðir Jafet Máni við Geoffrey Skywalker sem er fæddur árið 1988. Hann er einn af eigendum Priksins. Samhliða því er hann að vinna með Guðfinni Sölva eða Finna á Prikinu í hinum ýmsum verkefnum og fyrirtækjum. Í þáttunum Fram á við talar Jafet Máni við fólk sem hefur náð langt í sínum geira eða skarað fram úr í íslensku viðskiptalífi svo eftir því sé tekið.

Í þessum þætti ræðir Jafet Máni við Egil Ásbjarnarson sem er fæddur árið 1991. Hann stofnaði fyrirtækið Blendin árið 2013 ásamt Davíð Erni Símonarsyni. Í dag er hann með fyrirtækið Suitup Reykjavík ásamt félögum sínum. Í þáttunum Fram á við talar Jafet Máni við fólk sem hefur náð langt í sínum geira eða skarað fram úr í íslensku viðskiptalífi svo eftir því sé tekið.

Í þessum þætti ræðir Jafet Máni við Ásu Maríu Reginsdóttur sem er fædd árið 1985. Hún stofnaði fyrirtækið Olifa ásamt manninum sínum Emil hallfreðssyni. Einnig er hún að flytja inn aðrar vörur frá Ítalíu, pasta RUMMO, vín og Pom Poms & co. Í þáttunum Fram á við talar Jafet Máni við fólk sem hefur náð langt í sínum geira eða skarað fram úr í íslensku viðskiptalífi svo eftir því sé tekið.