Title -Misl-e-boye Gul / Dard-e-dil ka Darman

Written By @AshokSawhny Sahil

Recited By @Mehran Shah

#urdupoetrystatus #shayari #ashoksawhnysahil

Gul biyabaan mein ik khaar na hua kya

Woh veerana kaho gulzaar na hua kya

Yeh aasi, tera hi bandah hai, khudaya

Phir tere karam ka haqdaar na hua kya

Jis dil mein khud makeen ho khuda

Woh Khuftah insaan, bedaar na hua kya

Mehr rahi hai teri itni mujh par, Maula

Chuka na sakunga, baar na hua kya

Hasratein hoti hain misl-e boye Gul

Sukun na de gar gul, to khaar na hua kya

Rubaru rahe mere soorat jo har aan

Kaho, woh cherah-e-dildar na hua kya

Jabeen pe shikan, lab pe muskaan nahin

Har haal woh dil afgaar na hua kya

Khaak ho jaye nasheman hasraton se jo

Batao, woh ujda mazaar na hua kya

Sarwat nahin, imaan hai, saro samaan mera

‘Sahil’ bata, mein zar daar na hua kya