Mission Europe – Mission Berlin | Учење германски | Deutsche Welle

Ана случајно се судрува со една жена, која тврди дека тие се дружеле во 1961 година. Освен тоа, Ана е изненадена кога сфаќа дека ја следи некоја жена во црвено.

Зад секој агол Ана ја чекаат непознати лица. Овој пат тоа е госпоѓата Хајдрун Драј, која тврди дека и’ била пријателка на Ана во 1961 година. И таа сака да и’ помогне на Ана во тешката мисија и ја предупредува дека ја следи некоја жена во црвено. Но, од каде ги знае Хајдрун Драј овие работи?

Ана ја носи музичката кутија на поправка. Меѓутоа, за Паул Винклер ова е многу повеќе отколку само работна обврска. Тој е уверен дека ја познава Ана од поодамна. Но, дали е можно тоа? Таа штотуку дојде.

Кога Паул Винклер ја отвора музичката кутија, во неа наоѓа само парче хартија со шифра 19610813. Што значи тоа? И’ за што зборува Паул Винклер? Ана го замолува да ја поправи кутијата, а тој тврди дека тие се познаваат од порано. Во таквата заплеткана ситуација Ана ја меморира играта и ги пребројува поените. И’ преостануваат уште деведесет минути и два живота. Таа ја следеше музиката, но што точно значи „Решението е во поделбата“?

Во улицата „Кант“ Ана наоѓа продавница за часовници, но таа е затворена. Ана дознава дека сопственикот е во некое кафуле. Се чини дека тие двајцата се познаваат. На Ана и’ остануваат уште сто минути.

Ана дознава дека Лео Винклер е мртов. Свирачот на улични оргули и’ раскажува на Ана дека продавницата сега му припаѓа на синот на Лео Винклер, Паул. Тој секој ден пие какао во едно соседно кафуле. Ана оди таму и порачува кафе. Во кафулето седи човек кој има приврзок во облик на сребрена виолина и и’ се насмевнува. Одненадеж се појавува инспекторот Огур и ја предупредува Ана дека мисијата е опасна - исто како и организацијата РАТАВА. Ана љубопитно го следи старецот со сребрениот приврзок.

Ана се упатува кон улицата „Кант“, меѓутоа време и’ одзема тоа што мора да праша некого како да стигне дотаму. Уште повеќе време губи кога моторџиите со црни шлемови повторно се појавуваат и пукаат во неа.

Непознатите моторџии не ја оставаат Ана ниту да здивне. Тоа уште повеќе ја одолжува нејзината мисија: кога Ана ги прашува децата на ролерки како да стигне до улицата „Кант“, во неа пукаат луѓето со црни шлемови. Откако играта повторно стартува, Ана успева безбедно да стигне до улицата „Кант“. Но, дали таму ќе го најде тоа што го бара?

Разговорот на Ана со инспекторот е прекинат од звуци на мотор и истрели. Ана бега и открива дека на музичката кутија е напишана адреса. Дали оваа трага ќе и` помогне?

Во еден музеј Ана наоѓа засолниште од луѓето кои ја следат. Таа, исплашена од полицијата и од вооружените моторџии со црни шлемови, се крие во машкиот тоалет. Таму, на старата музичка кутија Ана открива адреса што посочува на името Лео Винклер на улицата „Кант“. Дали Лео Винклер е се’ уште жив и може ли да и’ помогне на Ана?

Мисијата на Ана е да ја заштити Германија од голема несреќа. Таа треба да ја реши загатката и да се одбрани од непознатите моторџии. На располагаѓе таа има 130 минути. Но, каде е првата трага?

Ана се буди во собата број четиринаесет во еден германски хотел. Инспекторот Огур влегува во нејзината соба. Тој се претставува и и’ објаснува на Ана дека во собата број четириесет е убиен гостин од хотелот. На огледалото во бањата на Ана тој наоѓа таинствена порака: "In der Teilung liegt die Lösung; folge der Musik". Ана се упатува кон хотелската сала, каде што инспекторот сака да и’ постави неколку прашања. Но, што треба да значат мистериозната порака и старата расипана музичка кутија што Ана ги пронајде во својата соба?