Mizzima 108FM ၏ စက်တင်ဘာလ ၁၁ ရက် နားဆင်ခံစားဆောင်းပါးများအစီအစဉ်

Politics on Mizzima 108FM September 11

Junta using PR to be in power

PR နဲ့ နိုင်ငံရေးမုဒိန်းကျင့်ပြီး နောက်ပေါက်က အာဏာခွဲယူဖို့ပြင်နေတဲ့ စစ်အုပ်စု

PR စနစ်နဲ့ ပတ်သက်လို့ နိုင်ငံရေးဆောင်းပါးရှင်တစ်ဦးက အခုလို သုံးသပ်ထားဖူးပါတယ်။ PR ဆိုတာ Political Rape – နိုင်ငံရေးအဓမ္မပြုကျင့်မှု၊ နိုင်ငံရေးမုဒိန်းကျင့်မှုကြီးလို့ ဆောင်းပါးရှင်က ဆိုခဲ့ပါတယ်။ 

စစ်အုပ်စုဟာ PR စနစ်ကို သုံးပြီး နိုင်ငံကို အဓမ္မပြုကျင့်ပြီး သူတို့အာဏာ ဆက်တည်မြဲဖို့ လုပ်ဆောင်လာနေတဲ့ နိုင်ငံရေးဖြစ်စဉ်တစ်ရပ်ပါ။ ၂၀၂၃ ရွေးကောက်ပွဲ လုပ်ခွင့်ရမယ်လို့ စိတ်ကူး ယဉ်ပြီး NLD ကို 

ဘေးထုတ်၊ အချင်းချင်း အာဏာခွဲဝေယူဖို့ ကြိုးစားလာနေတဲ့ ခြေလှမ်းတစ်ရပ်သာ ဖြစ်ပါတယ်။ တစ်နည်းပြောရရင် လူထု အသိအမှတ်ပြုမှု မရှိတဲ့ ရွေးကောက်ပွဲ လုပ်ပြီး နောက်ဖေးပေါက်ကနေ အာဏာတက်လုဖို့ပြင်တဲ့ 

လုပ်ရပ်သာလျှင် ဖြစ်ပါတယ်၊ အာဏာကို ငန်းငန်းတက် လိုချင်တဲ့ စစ်တပ်နဲ့ နိုင်ငံရေးသမား မပီသတဲ့ အရပ်သား လူ့ငနွားအလိုတော်ရိတွေအကြား နိုင်ငံ့အာဏာကို ကိတ်မုန့်ခွဲသလို ခွဲပြီး ဝေခြမ်းစားကြမယ့် ကိစ္စဖြစ်ပါတယ်။