Mizzima 108FM ၏ အောက်တိုဘာလ ၂ ရက် နားဆင်ခံစားဆောင်းပါးများအစီအစဉ်

Update News Mizzima 108FM on October 2 

နိုင်ငံရေးချဉ်ဖက်တွေနဲ့ အက်ကြောင်းထလာတဲ့ စစ်ကောင်စီ

အာဏာလုစစ်ကောင်စီထဲမှာ ဒီကနေ့ နွေဦးတော်လှန်ရေးနဲ့ ပတ်သက်လို့ စစ်ဘက်နဲ့ အရပ်သားနိုင်ငံရေး ချဉ်ဖက်တွေအကြား ချဉ်းကပ်ပုံ၊ ရှုမြင်ပုံ မတူညီတော့ဘူးလို့ ခန့်မှန်းလို့ ရပါတယ်။ စစ်အုပ်စုဘက်က လက်နက်နဲ့ ဒီအတိုင်းသာ ဆက်ဖိထား၊ ကြာရင် တော်လှန်ရေးအင်အားစုတွေ ချိနဲ့လာလိမ့်မယ်လို့ တွက်ဆကောင်း တွက်ဆနိုင်ပါတယ်။ သို့သော် အရပ်သားနိုင်ငံရေးချဉ်ဖက်တွေ ဘက်မှာ စစ်အုပ်စုနဲ့မတူညီတာက သူတို့ဟာ အရပ်ဘက် အာဏာနိုင်ငံရေးနယ်ပယ်က လာသူတွေ ဖြစ်သလို ရှေးအဆက်ဆက်က စစ်အုပ်စုဆန့်ကျင်ရေး လှုပ်ရှားမှုတွေမှာ ပါဝင်ခဲ့သူတွေ ဖြစ်ပြီး ဒီကနေ့ နွေဦးတော်လှန်ရေးရဲ့ အားကောင်းမှု၊ အားသာမှုမှန်သမျှကို စစ်အုပ်စုထက် ပိုပြီး မြင်နိုင်ကြသူတွေလို့ ဆိုလို့ ရပါတယ်။ဒီအချက်ကြောင့်ပဲ စစ်အုပ်စုနဲ့ နိုင်ငံရေးချဉ်ဖက်တွေအကြား ရှုမြင်ပုံ ကွဲပြားပြီး စစ်ကောင်စီအတွင်းစည်းထဲ အက်ရာ ထင်လာ၊ အက် ကြောင်း ပေါ်လာတာပဲ ဖြစ်ပါတယ်။