Mizzima 108FM ၏ အောက်တိုဘာလ ၈ ရက် နားဆင်ခံစားဆောင်းပါးများအစီအစဉ်

Politics on Mizzima 108FM October 8 

NUCC/NUG နဲ့ ငဲ့စောင်းကြည့်ရမယ့် ပြည်တွင်းနိုင်ငံရေးရေချိန်

ပြည်တွင်း တော်လှန်ရေးအင်အားစု၊ တိုင်းရင်းသားအင်အားစုအချို့နဲ့ နိုင်ငံတကာ အသိအမှတ်ပြုမှုတွေကြောင့် NUCC/NUG ဟာ အတိုင်းအတာတစ်ခုအထိ တရားဝင်မှုကို ရထားပါတယ်။ အဓိက ကစားနေတဲ့ နိုင်ငံတကာ သံခင်းတမန်ခင်းတိုက်ပွဲမှာ ဒီအခင်းအ ကျင်းဟာ နိုင်ငံ့အကျပ်အတည်းကို ဖြေရှင်းဖို့အတွက် ပြည့်စုံလုံလောက်ပြီလားဆိုတာ ဆုံးဖြတ်ချိ်နတန်ပြီဖြစ်ပါတယ်။

နောက်ထပ် အရေးကြီးတာကတော့ တော်လှန်ရေးဟာ သံခင်းတမန်ခင်းတိုက်ပွဲ ဖော်ဆောင်နေတာ မဟုတ်ဘူးဆိုတဲ့ အချက်ပါ။ ဒီကနေ့ ပြည်တွင်းက စစ်အုပ်စုကို ဆန့်ကျင်နေတဲ့ လှုပ်ရှားမှုတွေဟာ NUCC/NUG နဲ့ ဆက်စပ်မှုတွေ ရှိသလို ဆက်စပ်မှု မရှိတာတွေ လည်း ရှိနေပါတယ်။ ဒီ မဆက်စပ်တဲ့အင်အားစုရဲ့ အင်အားကလည်း မနည်းပါဘူး။ ဒီအင်အားစုတွေကို NUCC/NUG သွားတဲ့နောက် လိုက်ခိုင်းဖို့ဆိုတာ ဒီအင်အားစုတွေရဲ့ တော်လှန်ရေးအပေါ် ထားတဲ့ သဘောထား၊ ခံယူချက်၊ ပန်းတိုင်ကို နားလည်ဖို့ လိုအပ်ပါတယ်။