Mizzima 108FM ၏ နိုဝင်ဘာလ ၁၈ ရက် နားဆင်ခံစားဆောင်းပါးများအစီအစဉ် 

Politics on Mizzima 108FM November 18  

အပြုတ်တိုက်ရေး ပြန်တိမ်းညွှတ်မှုနဲ့ လူထု "မူ"(ဆောင်းပါး)

၂၀၂၁ ဖေဖော်ဝါရီ ၁ ရက် စစ်တပ်အာဏာပြန်သိမ်းမှုဟာ ငြိမ်သက်စပြုလာတဲ့ နိုင်ငံရေးဂယက်ကို ပြန်ကြီးလာစေခဲ့ပါတယ်။ သူ့ဘက် ကိုယ့်ဘက် ဆိုတဲ့ အယူအဆတွေ ပြန်ခေါင်းထောင်လာသလို တစ်ဖက်မှာလည်း စစ်တပ်ဆိုတာ အပြုတ်တိုက်ရမယ်ဆိုတဲ့ တိမ်းညွှတ် မှုတွေ ပြန်စလာခဲ့ပါတယ်။ အာဏာသိမ်းပြီး ရက်ပိုင်းအတွင်း ဖြစ်တည်လာရာကနေ ဒီကနေ့အထိ ရှိနေတဲ့ လမ်းပေါ်ဆန္ဒပြပွဲတွေမှာ "သွေးကြွေးမှာ ဆွေးနွေးစရာ မရှိ"၊ "ငါတို့ အလှည့် ကျန်သေးတယ်" ဆိုတဲ့ ကြွေးကြော်သံတွေ ညဲနေဆဲ ဖြစ်သလို လက်နက်ကိုင် တော်လှန်မှုတွေလည်း ရှိလာနေပြီ ဖြစ်ပါတယ်။ ဒီဆန္ဒပြတိုက်ပွဲတွေ၊ လက်နက်ကိုင်တိုက်ပွဲတွေက တောင်းဆိုချက်တွေဟာ စစ်တပ် အပြုတ်တိုက်ရေးဘက် ယိမ်းတဲ့ အယူအဆတွေက ဖြစ်တည်လာတာ ဖြစ်ပါတယ်။ အာဏာဟောင်းကို ဖြိုချပြီး အာဏာသစ် ပြန်ဖြည့် ရေးဆိုတဲ့ ဘက်ကို သွားနေပြီ ဖြစ်ပါတယ်။