Mizzima 108FM ၏ ဒီဇင်ဘာလ ၂၂ ရက် နားဆင်ခံစားဆောင်းပါးများအစီအစဉ် 

Politics on Mizzima 108FM December 22

လေးကေ့ကော်ဆိုတာ အဆုံးအဖြတ် မဟုတ်ဘူး

စစ်အုပ်စုဟာ လေးကေ့ကော်မြို့သစ်ကို စစ်ကြောင်းထိုး ချေမှုန်းလိုက်ရင် ဒီဒေသမှာ အမှီပြုနေတဲ့ ပြည်ပတော်လှန်ရေးအင်အားစုတွေကို ရှင်းထုတ်နိုင်မယ်၊ ဒါ့အပြင် NUCC/NUG နဲ့ KNU အကြား ထိတွေ့ဆက်ဆံမှုကို ဖိအားပေး ဖြတ်တောက်နိုင်မယ်လို့ ယုံကြည်ပြီး ထိုးစစ်ဆင်နေတာ ဖြစ်ပါတယ်။ ဒါပေမယ့် ဒီကနေ့ နွေဦးတော်လှန်ရေးဟာ လေးကေ့ကော်ဒေသက စပြီး ပေါက်ဖွားလာတာ မဟုတ်ပါဘူး။ စစ်အာဏာရှင်စနစ်ကို မကြိုက်နှစ် သက်တဲ့ လူတိုင်းရဲ့ အသိစိတ်ကနေ ပေါက်ဖွားလာတာ ဖြစ်ပါတယ်။ စစ်အုပ်စုကို ဆန့်ကျင်နေကြသူတွေဟာ ပြည်မနိုင်ငံရေးအင်အား စုတွေချည်း မဟုတ်ပါဘူး။ တိုင်းရင်းသားညီအစ်ကိုမောင်နှမတွေဟာလည်း ခေတ်အဆက်ဆက် သူတို့လူမျိုးတွေအပေါ် မတရားဖိနှိပ် ဆက်ဆံခဲ့တဲ့ စစ်အုပ်စုကို ဆန့်ကျင်နေကြတာ ဖြစ်ပါတယ်။ နွေဦးတော်လှန်ရေးဟာ ဒေသစစ်ပွဲ မဟုတ်ပါဘူး။ နိုင်ငံလုံးချီ တော်လှန် တဲ့ တော်လှန်ရေး ဖြစ်ပါတယ်။