Mizzima 108FM ၏ ဒီဇင်ဘာလ ၂၈ ရက် နားဆင်ခံစားဆောင်းပါးများအစီအစဉ် 

Politics on Mizzima 108FM December 28

စစ်ထောက်ချုပ်ရုံးနှင့် ဆက်နွယ်နေသည့် နိုင်ငံတကာစီးပွားရေးလုပ်ငန်းများ(ဆောင်းပါး)

အပိုင်း ၁

မြန်မာစစ်တပ်၏ တပ်ပိုင်စီးပွားရေးလုပ်ငန်းများကို ကြီးကြပ်ခြင်းနှင့် စစ်လက်နက်ပစ္စည်း အပါအဝင် အခြားပစ္စည်းများဝယ်ယူရေးကို တာဝန်ယူထားသော စစ်ထောက်ချုပ်ရုံး (ကကထောက်) အပေါ် အမေရိကန်၊ ယူကေနှင့် ကနေဒါနိုင်ငံတို့က ဒီဇင်ဘာလ(၁၀)ရက်နေ့တွင် ဒဏ်ခတ်ပိတ်ဆို့ အရေးယူမှုများ ပြဌာန်းခဲ့သည်။နိုင်ငံတကာလူ့အခွင့်ရေးနေ့တွင် ချမှတ်ခဲ့သော ဒဏ်ခတ်ပိတ်ဆို့မှုများ၏ ရလာဒ်အဖြစ် အိမ်ခြံမြေနှင့် ဟော်တယ်ဖွံ့ဖြိုးရေးလုပ်ငန်းများမှတဆင့် စစ်ထောက်ချုပ်ရုံးနှင့် ဆက်နွယ်နေသည့် နိုင်ငံတကာ စီးပွားရေးလုပ်ငန်းများမှာ အမေရိကန်ပြည်ထောင်စု၏ ဒဏ်ခတ်ပိတ်ဆို့မှုများအပေါ် ချိုးဖောက် နိုင်ဖွယ်အခြေအနေသို့ ကျရောက်သွားသည်။

၄င်းတို့သည် မြန်မာစစ်တပ်အနေဖြင့် ရက်စက်ကြမ်းကြုတ်မှုများကို အလုံးစုံပြစ်ဒဏ်ခံရခြင်းကင်းစွာ ကျူးလွန်နေမှန်းသိလျက်နှင့် စစ်ထောက်ချုပ်ရုံးနှင့် စီးပွားရေးလုပ်ငန်းများတွင် ပူးပေါင်းဆောင်ရွက် နေဆဲ ဖြစ်သည်။