Woh jo ankh kholey aur khuda nazar aaye

Hijab ko dekhe aur haya  nazar aaye

Jo tukhm ko dekhe aur shajar nazar aaye

Amavas ki ho raat aur taara nazar aaye

Mehboob ki ankh se gar tapke ek aansu

To usey  sailaab o paak darya nazar aaye

Muqaddas ho jis ka ragon men lahu

Aab e kauser usey behta nazar aaye

Maba’d na falak men basta dil men hai Maula

Momin ko wohin woh dhadakta nazar aaye

Kaenaat usi ki, aaghaaz o anjaam bhi

Woh har ja mitaata banaata nazar aaye

Naam labon per uska zururi nahin hai ‘sahil’

Momin ke dil men to uska sajda nazar aaye

Hijaab. Veil

Shajar. Tree

Sailaab. Flood

Kauser. River in Heaven

Ma’bad. Place of worship

Kaenaat. Universe

Momin. Believer in God