Иргэд хөдөө орон нутгаар амарч, зугаалахдаа тарваганы түүхий мах, эд эрхтэнг эмчилгээний зорилгоор хэрэглэхгүй байх, мэрэгчийн үхсэн сэг зэмтэй харьцахгүй байх, хот руу тарваганы түүхий мах, тулмыг тээвэрлэж оруулж ирэхгүй байхыг НМХГ-аас анхаарууллаа.

Монголын Радиогийн 21 аймагт суугаа сурвалжлагчдын бэлтгэсэн "Эргэх цаг" нэвтрүүлэг /2019.07.24/

Монголын радиогийн уран бүтээлчдийн бэлтгэсэн Монгол Хятадын дипломат харилцааны 70 жилийн ойд зориулсан нэвтрүүлэг /2019.07.24/

Монголын радиогийн "Хурд" агентлагийн бэлтгэсэн "Найм арваннэг" тоймчийн хөтөлбөр: “Хөвсгөл далай, түүний хамгаалалт, ашиглалт”

Монголын радиогийн “Гурван эрдэнэ” студийн нэвтрүүлэг: VI Далай лам Цаньянжамцын шүлэг, бүтээлүүдээс... /2019.07.24/

Монголын радиогийн уран бүтээлчдийн бэлтгэсэн "Хүн гараг” нэвтрүүлэг: “Морьтой заяа”-УГЖ Гэнэнгийн Батбаярын тухай хөрөг /2019.07.24/

Амьдралын буруу хэвшлээс үүдэн хүн амын 70 орчим хувь нь нуруу нугалмын өвчтэй байна. Монгол, Төвд үе нугалмын хөдөлгөөнт гар заслын аргаар нуруу нугалмын суулт гажгийг засах анхдугаар сургалт энэ өдрүүдэд болж байна.

Нуруу нугалмын өвчлөлийг хэрхэн яаж оношилж, эмчлэх талаар зааж сургаж байгаа юм. ОХУ-ын Санктпетербург хотын Дорно дахины бариа заслын “Мулахаста” төвийн их эмч н.Алтанхундага ингэж ярилаа. Сургалт 3 өдөр үргэлжилнэ.

Нийслэлийн хэмжээнд Түргэн үйлчилгээний 1000 гаруй цэг ажиллаж байна. Эдгээр нь баталгаагүй хүнсний бүтээгдэхүүн худалдан борлуулж, үүний улмаас иргэд хордлого авсан тохиодол гарчээ.

Тухайлбал, ТҮЦ-нээс хиам, өндөгтэй ороомог авсан 22 иргэн хоолны хордлогод орсон байна. Хүнсний бүтээгдэхүүнийг хураан авч устган, иргэд Халдварт өвчин судлалын төвд хэвтэн эмчлүүлж байгаа юм. Нийслэлийн мэргэжлийн хяналтын газрын дэд дарга н.Даваасүрэнгийн ярианд анхаарлаа хандуулна уу.

Залуу монгол судлаачдын 29 дэх удаагийн зуны сургалт Булган аймгийн Сайхан суманд үргэлжилж байна. Сургалтыг ахуйд нь очиж заах, танилцуулах агуулга үр дүнгээ өгч, судлаачдын тоо жилээс жилд нэмэгдэж байгаа юм. Өнөөдрийн сургалтын талаар МУИС-ийн Монгол судлалын хүрээлэнгийн эрдэм шинжилгээний ажилтан, зуны сургууль хөтөлбөрийн зохион байгуулагч н.Уранбилэгээс тодрууллаа.

13 орны монгол судлаач 30 залуу 7 хоногийн турш морь унах, мал хариулга, нүүдэллэх ёс, айраг, цагаан идээ боловсруулах болон уяа зангилааны соёл, монгол уламжлалт тоглоом наадгайтай танилцах юм. Харин дараагийн долоо хоногийн сургалт Улаанбаатар хотод танхимын сургалтаар үргэлжилнэ.

Худалдан авалтын хариулт задгай мөнгөн дэвсгэртийн асуудлыг "Хурд" агентлаг хөндсөн байна. Ямар ч мөнгөн дэвсгэртийг гүйлгээнээс хасаагүй гэж Монголбанкнаас мэдээллээ. Дэлгэрэнгүй мэдээг сонсгоё.