Монголын радиогийн уран бүтээлчдийн бэлтгэсэн “Гэгээн өргөл” нэвтрүүлэг: “Наранд бөхөлзөх гөрөөс” зураглал сонсгоё.

Орхон аймаг мал сүргийнхээ үүлдэр угсааг сайжруулахад анхаарч байна.

Ингэхдээ үхэр, хонь, ямаан сүргийнхээ бүтцийг зүүн аймгуудын шилмэл омгийн чиглэлээр улсад тэргүүлж байгаа сүргээс эцэг мал авсан. Төслийн хөрөнгө оруулалтаар худалдан авч малчдадаа өгсөн гэж Аймгийн Хүнс хөдөө аж ахуйн газрын дарга н.Бат-Өлзий хэллээ.

Монголын радио Сар шинийн өдрүүдэд уламжлал ёсоор сонсогчдодоо олон сонирхолтой шинэ нэвтрүүлэг хүргэнэ.

“Улсын аварга малчин”, “Улсын аварга тариаланч”-д оролцсон цуврал, мөн “Айзамт эгшиглэн”, "Эдийн дээд хадагны зохионгуй", “Есөн хүслийн гүн ухаан”, “Цагаан сарын цагаан түүх” зэрэг түүх, өв соёл, нийтлэл уран сайхны нэвтрүүлэг сонсгохоор бэлтгэж байна.

МҮОНР-ийн Программын бодлого зохицуулалтын хэлтсийн дарга Б.Сонинчимэг ярилаа.

Түүнчлэн “Хамаг Монголын Цагаан сар” нэвтрүүлэг сонсгоно. Энэ нэвтрүүлэгт Буриад, Өвөрмонгол, Дээд Монгол, Халимаг, Тува үндэстний төлөөлөл оролцож, өөр өөрсдийн шинэлэх ёс заншлын талаар сонирхуулна.

Жил бүрийн Сар шинийн босгон дээр Монголын радиогийн “Таван эрдэнэ” нэвтрүүлгийн нэрэмжит “Алтан төлийн эзэн”-ийг тодруулж, тэдний оролцсон цуврал нэвтрүүлгээ хүргэхээр бэлтгээд байна.

Нийтийг хамарсан баяр ёслолын үед орон нутгаас нийслэлийг зорих хөдөлгөөн ихэсдэг.

Замын хөдөлгөөний ачаалал огцом нэмэгддэг энэ үед жолооч нар гүйцэж түрүүлэхдээ онцгойлон анхаарахыг Тээврийн цагдаагийн албанаас зөвлөлөө.

Тээврийн цагдаагийн албаны Урьдчилан сэргийлэх хэлтсийн Ахлах мэргэжилтэн, Цагдаагийн ахмад н.Мөнх-Эрдэнэ ярилаа.

Хэрэглэгч сэргээгдэх эрчим хүч суурилуулж өөрийн хэрэглээний эрчим хүчээ хангахаас гадна илүү гарсныг нэгдсэн сүлжээнд нийлүүлэх бүрэн боломжтой.

Хэрэглэгчээс авах эрчим хүчний тарифыг энэ сарын 5-нд шинэчлэн баталсан. Тухайлбал, сэргээгдэх эрчим хүч үйлдвэрлэгч иргэн нэгдсэн сүлжээнд өглөө 06 цагаас 17 цаг хүртэл эрчим хүч нийлүүлбэл 1 квт цагийг нь 280 төгрөгөөр улс худалдаж авахаар тарифыг шинэчилжээ.

Эрчим хүчний зохицуулах хорооны Эрчим хүч хэмнэлтийн газрын дарга н.Бат-Эрдэнэ ингэж ярилаа.

2027 оны дунд гэхэд манай улс эрчим хүчний чадлын дутагдалд орохгүй болно. Энэ үед хүндрэлээс бүрэн гарна. Үүнийг угтсан олон ажил эхлүүлсэн, бас төлөвлөсөн гэж Эрчим хүчний сайд Б.Чойжилсүрэн мэдэгдлээ.

Эрчим хүчний үнэ нэмсэн нь олон эерэг өөрчлөлтийг богино хугацаанд бий болгосон. Тухайлбал, эрчим хүчний нүүрс нийлүүлдэг компаниуд алдагдалгүй ажиллаж эхэлсэн. Мөн салбарын ажилчдын цалин ирэх дөрөвдүгээр сарын 1-ний өдрөөс 10 хувиар нэмэгдэнэ гэж Эрчим хүчний сайд Б.Чойжилсүрэн хэлсэн юм.

Хувь хүний сэтгэл зүй, харилцаа, гэр бүлийн боловсролыг хүүхэд наснаас нь олгох хэрэгтэй байна.

Дэлгэрэнгүй мэдээг Монголын радиогийн "Хурд" агентлагийн бэлтгэснээр сонсгоё.

МҮОНР-ийн "Би хөгжимд дуртай" нэвтрүүлэг "Брос Рекордс"-ын продюссер Машлайн Болдтой ярилцсан цувралынхаа хоёрдугаар хэсгийг хүргэж байна.

Ховд аймаг жилийн эцэст 35 мянга гаруй тэмээ тоолуулсан нь өнгөрсөн жилээс 8.7 хувиар өссөн дүнтэй байна.

Үүнээс Дөргөн сум 8274 тэмээ тоолуулснаар аймагтаа тэргүүлж байна. Тус аймгийн ИТХ-аас анх 2022 онд “Тэмээ өсгөх, чанарыг сайжруулах, бойжуулсан ботгонд мөнгөн урамшуулал олгох” журам баталсан юм.

Журам хэрэгжиж эхэлснээр өнгөрсөн онд 75 сая төгрөгийн урамшуулал олгожээ.

Энэ журмыг санаачлагч н.Пүрэвгандийн яриаг хүргэе.

Бойжуулсан ботгонд мөнгөн урамшуулал олгосноор тэмээн сүргийн тоо толгойг өсгөх чухал хөшүүрэг болсон байна.

Говь-Алтай аймгийн "Ид шидийн орон" 10 гаруй дугуйлан хичээллүүлдэг.

Үүнээс англи хэлний сургалтад 80 гаруй, шатарт 20 гаруй хүүхэд хамрагддаг.

Сургалт үнэ төлбөргүй жилээр, улирлаар гэсэн хоёр сонголттой. Хүүхдүүд хичээлийн цагаа зөрүүлж сонгодог, мөн хэдэн наснаасаа ч хамрагдаж болох олон давуу талтай. Одоо суралцагч хүүхдүүдийн яриаг сонсъё.