Ямар нэг ажил үйлчилгээ эрхлэх гэж байгаа бол иргэн цахимаар хүсэлтээ өгч, ажлаа шууд эхэлдэг байх зарчимд шилжинэ гэж ЗГХЭГ-ын дарга хэллээ.

Аль болох хурдан хугацаанд асуудлыг шийдэж, иргэдэд хүндрэл бага байж зөвшөөрлийн хуулийн дагуу журмаа өөрчлөхийг Нийслэлийн Засаг даргаас хүссэн.

Нийслэлийн иргэдийн хурлаас шийдвэр гарна гэж Засгийн газрын Хэрэг эрхлэх газрын дарга Н.Учрал ярилаа.

Манай иргэд гадагшаа явахдаа тухайн улс орны хууль журамд нийцүүлэн зорчихыг ГХЯ-аас зөвлөж байна.

Энгийн гадаад паспорттой манай улсын иргэд 30 орчим улс руу визгүй зорчдог.

Энэ тоог нэмэх, гадаад харилцаа, худалдаа, аяллыг өргөжүүлэхэд хувь хүний хариуцлага чухал нөлөөтэй. Иймээс та хилийн дээс алхсан л бол тухайн улс орны хууль, журамд нийцүүлэн зорчих хэрэгтэй гэж Гадаад харилцааны яамны Төрийн нарийн бичгийн дарга Л.Мөнхтүшиг ярилаа.

Дархан-Уул аймгийн Ерөнхий боловсролын сургуулийн “Номын клуб”-ууд уулзалт, хэлэлцүүлэг хийлээ.

Уулзалтад ном уншдаг, номонд дуртай 140 гаруй хүүхэд оролцож, илтгэл тавьж, туршлагаа хуваалцсан байна.

Сурагчдыг номонд дуртай болгох, уншиж ойлгосноо бусдад ярих, өөрийгөө илэрхийлэх дадалд суралцуулахаар Дархан-Уул аймгийн 7 сургууль дэргэдээ номын клуб нээсэн байна.

Дархан-Уул аймгийн Төв номын сангийн захирал н.Цэцэгсүрэн, номын клубын хүүхдүүд ярилаа.

Жижиг, дунд бизнесийг дэмжих ажлын хүрээнд хоршоологчдод олгож байгаа зээлийг 100 хувь хүртэл батлан даах нөхцөл бүрдсэн байна.

Дэлгэрэнгүй мэдээг одоо сонсгоё.

Дулаан алдагдлаа бууруулж, 3 тарифт тоолуур тавибал эрчим хүчний төлбөрөө 70 хүртэл хувиар бууруулах боломжтой.

Эрчим хүчний үнэ тариф, хэмнэлт, цаг үеийн асуудлаар Эрчим хүчний зохицуулах хорооны Эрчим хүч хэмнэлтийн газрын дарга н.Бат-Эрдэнэтэй ярилцсан байна.

Өвлийн аялал жуулчлалыг хөгжүүлэх, мартагдсан соёлыг нийтэд таниулах, түгээн дэлгэрүүлэх зорилгоор жил бүр зохион байгуулдаг “Хөх сувд” олон улсын мөсний баяр энэ жил 10 хоног үргэлжилнэ.

Анх морин чарганы соёлыг дэлгэрүүлэхээр мөсний баярыг хийж байсан.

Нутгийн иргэд оролцдог байсан баяр 26 дахь жилдээ 50 мянган хүн зорин ирдэг, дэлхийн 15-17 орны жуулчид тогтмол оролцдог олон улсын эвент арга хэмжээ болсон байна.

Байгаль хамгаалагч, ургамал судлаач доктор н.Оюумаа ингэж ярилаа.

Цаашид төрөлжсөн аялал жуулчлалыг хөгжүүлэх, эвент арга хэмжээг нэмэгдүүлэх, Хөвсгөл нуурыг хамгаалах, стандарттай аялал жуулчлалыг хөгжүүлэх төлөвлөгөөг орон нутгийн удирдлагууд гаргасан байна.

Манай улс энэ оноос халдварт бус өвчнөөс сэргийлэх чиглэлээр мэргэжилтэн бэлтгэж эхэлнэ.

Дэлгэрэнгүй мэдээг Монголын радиогийн "Хурд" агентлагийн бэлтгэснээр дуулгая.

Баруун таван аймагт энэ онд бэлчээрийн усыг сайжруулах, газар тариалангийн усалгааг дэмжих зорилгоор “Нэг сум, нэг нуур” хөтөлбөр хэрэгжинэ.

Энэ хүрээнд Говь-Алтай аймаг 15 сумандаа хөв цөөрөм байгуулна гэж аймгийн Байгаль орчны газрын дарга н.Батмагнай ярилаа.

УИХ хүн төвтэй, цаг үеийн хэрэгцээ шаардлагад нийцсэн, хүний эрхийн аливаа зөрчил үүсэхгүй байх хууль эрх зүйн орчин бүрдүүлэхэд голлон анхаарч байна.

Дэлгэрэнгүй мэдээг Монголын радиогийн "Хурд" агентлагийн бэлтгэснээр дуулгая.

Цахилгаан, дулааны үнийг ямар үндэслэлээр хэдэн хувиар нэмэгдүүлсэн бодит мэдээллийг олон нийтэд өгөх шаардлагатай гэж УИХ-ын гишүүн С.Ганбаатар үзэж байна.

Тэрбээр УИХ-ын чуулганы завсарлагаар 15 аймагт ажиллаж иргэд сонгогчидтой уулзалт хийжээ.

Энэ үеэр иргэд эрчим хүч цахилгаан дулааны үнийн нэмэгдлийг голлон хэлж, ард иргэдийн амьжиргаанд хүндээр тусаж байгааг шүүмжилсэн байна.

Тэр дундаа аж үйлдвэрлэгчид, жижиг, дунд үйлдвэр болон өрхийн аж ахуй эрхлэгчид хаалгаа барихад хүрч, ажилгүйдэл үнийн хөөрөгдөл сөрөг нөлөө үзүүлж байгааг хэлжээ.

Иймээс Эрчим хүчний яам, Эрчим хүчний зохицуулах хороо, Эрчим хүчний үндэсний хороонд цахилгаан, дулааны үнийн асуудлаар хандаж байгаагаа мэдэгдлээ.

УИХ-ын гишүүн С.Ганбаатарын яриаг сонсгоё.