“Улаанбаатар” өвлийн явган алхалтын фестиваль болно.

Нийслэлийн Аялал жуулчлалын газар, “Монголын явган алхалтын холбоо”, “Монгол олле” нийгэмлэгтэй хамтран “Улаанбаатар өвлийн явган алхалтын фестиваль”-ийг энэ сарын 15, 16-ны өдрүүдэд зохион байгуулна.

Фестивальд Монгол, Япон, Солонгос, Чех, БНХАУ, Итали зэрэг улсын 250 гаруй алхагч оролцохоор бүртгүүлээд байна.

“Монголын явган алхалтын холбоо”-ны тэргүүн Б.Болор-Эрдэнэ ингэж ярилаа.

Стандарт хэмжилзүйн салбарт ажиллах мэргэжилтнүүдийг бэлтгэдэг тусгайлсан сургууль байдаггүй.

Ажилтан албан хаагчдыг чадавхжуулах чиглэлээр хамтын ажиллагааны гэрээ бүхий хоёр хөрш орондоо болон Бүгд Найрамдах Турк Улсад ажилтнуудаа мэргэшүүлэн сургаж байна гэж Стандарт хэмжилзүйн газрын Захиргааны удирдлагын газрын дарга н.Ууганбаяр хэллээ.

Сонгуулийн санал хураалтад техник технологи ашиглан цахимаар явуулах боломжийг судалж байна.

Өнгөрсөн онд УИХ-ын болон орон нутгийн ээлжит сонгууль болсон. Тухайлбал, Улсын Их Хурлын ээлжит сонгуулиар сонгогчдын нэрийн жагсаалтад 2 сая 200 гаруй мянган сонгогч бүртгүүлснээс 2 сая гаруй сонгогч саналаа өгч 70 орчим хувийн ирцтэй байжээ.

Мөн энэ сонгуулиар санал авах ажиллагааны эрх зүйн орчныг сайжруулж хувь тэнцүүлсэн зарчмаар 48 гишүүнийг сонгоход гадаад улсад ажиллаж, амьдарч байгаа иргэдийнхээ саналыг авсан юм.

Саналаа өгөхөөр бүртгүүлсэн иргэдийн 70 гаруй хувь нь сонгуульд оролцсон дүн бий. Сонгуулийн ирцээс харахад залуусын оролцоо буурсаар байгаа юм. Ирэх 2027 онд Монгол Улсын Ерөнхийлөгчийн ээлжит сонгууль болно. Тиймээс техник технологийн дэвшлийг ашиглан, аюулгүй байдлыг нь хангаж, цахимаар санал авах боломжийг нээвэл сонгуульд залуусын оролцоог нэмэгдүүлэх боломж бий гэж зарим хэсэг нь үзэж байна.

Энэ талаар Сонгуулийн ерөнхий хорооны дарга П.Дэлгэрнарангийн байр суурийг сонирхлоо.

УИХ-ын Инновац, цахим бодлогын байнгын хороо намрын чуулганаар Хилийн чанад дахь монгол иргэдийн төрийн цахим үйлчилгээний И-Монгол системийг ашиглах боломж, цахимаар сонгуульд оролцох эрхийг хангах талаар холбогдох байгууллагуудын мэдээллийг сонссон.

Энэ хүрээнд байнгын хорооны тогтоол гаргаж, холбогдох байгууллагуудад үүрэг чиглэл өгсөн байна.

Шүд цоорох, үрэвсэх өвчин нь бактерийн гаралтай учраас бусад эрхтэн тогтолцоонд нөлөөлдөг байна.

Дэлгэрэнгүй мэдээг Монголын радиогийн "Хурд" агентлагийн бэлтгэснээр дуулгая.

Энэ онд ЭМД-ын шимтгэл 182 мянган төгрөг болж нэмэгдэж байна.

Цаашид даатгалын тогтолцоог өөрчилж, урьдчилан сэргийлэх чиглэлд анхаарна.

Дэлгэрэнгүй мэдээг одоо хүргэе.

Засгийн газар “Шинэ сэргэлтийн бодлого"-ын хот, хөдөөгийн сэргэлтийн хүрээнд "Шинэ хоршоо хөдөлгөөн" өрнүүлж, “Шинэ хоршоо-Чинээлэг малчин” хөтөлбөр хэрэгжүүлж байна.

Уур амьсгалын өөрчлөлтөөс шалтгаалан, мал аж ахуйн салбарт үүсэж болзошгүй гамшгаас урьдчилан сэргийлэх, мал аж ахуйн үйлдвэрлэл, малчдын хоршоог дэмжих замаар тогтвортой хөгжүүлэх зорилгоор хоршооны гишүүн малчин арилжааны банкнаас 6 хувийн хүүтэй 50 хүртэлх сая төгрөгийн хөрөнгө оруулалтын зээлийг 5 хүртэлх жилийн хугацаатай олгож байна.

Хөтөлбөр хэрэгжсэнээс хойш 5000 орчим хоршооны 60 гаруй мянган гишүүнтэй хоршооны малчид зээлд хамрагдаж, 550 гаруй тэрбум төгрөгийн зээл авсан байна.

Энэ талаар УИХ-ын дарга Д.Амарбаясгалан ярилаа.

Улсын Их Хурлын даргын захирамжаар хөдөө аж ахуйн үйлдвэрлэлийг дэмжих бодлогын хүрээнд “Хүнсний хувьсгал”, “Цагаан алт”, “Шинэ хоршоо-Чинээлэг малчин” үндэсний хөдөлгөөнүүдийн хэрэгжилтийг эрчимжүүлэх, үр нөлөөг дээшлүүлэх, бодлого, арга зүй, удирдлагаар дэмжих, хяналт тавих, холбогдох арга хэмжээний болон хууль, эрх зүйн орчныг боловсронгуй болгох, мөн хөтөлбөр хоорондын уялдаа холбоог сайжруулах зэрэг асуудлыг судалж, танилцуулах ажлын хэсэг ажиллаж байна.

Хувь хүнд татварын хөнгөлөлт болон урамшуулал олгодог байх нь иргэдийн бодит орлогыг нэмэгдүүлнэ.

Ажил, орлоготой дундаж давхаргыг бий болгохын тулд хуульд өөрчлөлт оруулж татвар, шимтгэлийн хувь хэмжээг багасгах хэрэгтэй гэж үзэж байна.

Энэ сэдвээр дэлгэрэнгүйг одоо хүргэе.

Эрчим хүчний тарифыг нэмсэнээс хойш “Засгийн газрын 11-11 төв”-д 390 гаруй иргэнээс гомдол ирсэн байна.

Ирсэн гомдлын мөрөөр Эрчим хүчний яам болон Эрчим хүчний зохицуулах хорооноос Ажлын хэсэг гарган, иргэдтэй уулзаж байна.

Дийлэнх хэрэглэгч нар хүлээн зөвшөөрч байгаа гэж Эрчим хүчний сайд Б.Чойжилсүрэн ярилаа.

Бага эмч, эх баригч мэргэжлээр төгссөн мэргэжилтнүүд богино хугацаанд сувилагч мэргэжил эзэмших юм.

Мөн Элсэлтийн шалгалтад тэнцэж, тухайн сургуулийн шалгуур хангасан оюутнууд сувилагч мэргэжлээр дэд бакалавр болон бакалаврын боловсрол эзэмшиж, орон нутагтаа ажлын байртай болно гэж Аймгийн Эрүүл мэндийн газрын дарга н.Үүрийнбаяр хэллээ.

Хөвсгөл аймгийн Эрүүл мэндийн байгууллагад төр, хувийн хэвшлийн нийт 1700 гаруй эмч, мэргэжилтэн ажиллаж байна.

Эмч, сувилагчийн харьцаа 1:2 байх стандарттай боловч тус аймаг энэ шаардлагад хүрдэггүй. Улсын дундаж хэмжээнээс 7 хувиар бага гэсэн судалгаа гарчээ.

Олон нийтийн дунд замын хөдөлгөөний дүрмийн зөрчил гаргаж эрхээ тодорхой хугацаагаар хасуулсан ч, энэ хугацаа дуусахаас өмнө жолоодох эрхийг сэргээж болдог гэх ор үндэсгүй ташаа ойлголт цөөнгүй гардаг.

Иймээс иргэд тухайн асуудлыг зөвхөн хариуцсан байгууллагаас нь тодруулж, хууль, дүрмийн талаар үнэн зөв ойлголт, мэдээлэл авах нь чухал байна.

Тээврийн цагдаагийн албаны Урьдчилан сэргийлэх хэлтсийн зохицуулагч, Цагдаагийн ахмад н.Ганхуягийн яриаг сонсгоё.