Монголын радиогийн "Хурд" агентлагийн бэлтгэсэн "Найм арваннэг" тоймчийн хөтөлбөр: “Гэрээт малчин хөтөлбөрийн хэрэгжилт” сэдвээр бэлтгэв. /2019.03.14/

Монголын радиогийн уран бүтээлчдийн бэлтгэсэн “Цаг үе залуус” нэвтрүүлэг /2019.03.14/

Манай улсад 4 хүн тутмын нэг нь ажилгүй, 5 залуу тутмын нэг нь ажилгүй орлогогүй гэртээ байж байна гэсэн судалгаа гарчээ.

Монголын радиогийн “Монголын дуу хоолой” радиостанцын “Шуудангийн хайрцаг” нэвтрүүлэг /2019.03.14/

Монголын радиогийн уран бүтээлчдийн бэлтгэсэн “Өглөөний мэнд” хүүхдийн нэвтрүүлэг /2019.03.13/

- “Хүүхдийн эргэн тойронд” мэдээ, мэдээлэл хүргэнэ.

- “Их мэдэх” – Хүүхдийн номын ордны бяцхан уншигчтай ярилцана.

- “Алдрын шат” – Хөвсгөл аймгийн олимпиадын аваргуудын амжилтаас хуваалцана.

- “Бяцхан анатоми” – “Халуун хүйтэн, өвдөлтийг бид хэрхэн мэдэрдэг вэ?” энэ тухай мэдээлнэ

Монголын радиогийн уран бүтээлчдийн бэлтгэсэн “Хүн гараг” нэвтрүүлэг. Ахмад холбоочин Бажийн Бандийн тухай хөрөг сонсгохоор бэлтгэлээ. /2019.03.13/

Орон нутагт олборлосон алтаа орон нутгийн салбар банкиндаа тушаадаг байх зохицуулалтыг Баянхонгор аймаг эхлээд байна. Арилжааны болон Монголбанкны салбарын захирлууд уул уурхайн компаниудын төлөөлөлтэй уулзаж санал бодлоо солилцжээ.

Байгалийн баялгаас олсон орлогоосоо тодорхой хэмжээгээр орон нутагтаа үлдээх бодлогыг Баянхонгор аймаг барьж ажиллана гэж тус аймаг дахь Монгол банкны салбарын захирал н.Олонбаяр хэллээ.

Монгол Улс тэтгэврийн даатгалын хэтийн тооцооллын мэргэжилтэнтэй болно. Япон улс тэтгэврийн даатгалын хосолсон тогтолцоотой, энэ даатгалын тусгай байгууллагатай улс юм. Мөн ирээдүйн тэтгэврийн нөхцөл байдлыг урьдчилан судалдаг мэргэжлийн баг ч бий. Харин манай улс тэтгэврийн, хөдөлмөрийн чадвараа алдсаны, ажилгүйдлийн гэх зэрэг 5 даатгалыг нэг дор төвлөрүүлдэг.

Мөн хэтийн тооцооллыг хийдэг мэргэжилтэн байдаггүй. Тэгвэл анх удаа Японы "Жайка" төслийн хүрээнд энэ чиглэлийн мэргэжилтнийг бэлтгэж эхлээд байна. НДЕГ-ын мэргэжилтнүүд 5 сарын хугацаатай суралцахаар эхний ээлж нь Япон улсыг зорьжээ. НДЕГ-ын мэргэжилтэн н.Энхболорын ярианд анхаарлаа хандуулъя.

Наян жилийн өмнө Япон улсад нийт хүн амынх нь 3.7-оос 4 хувь нь 65-аас дээш насныхан эзэлдэг байжээ. Харин өнөөдөр нийт хүн амынх нь 27 хувь нь ахмадууд байна. Тэгвэл манай улсад мөн нийт хүн амын 4-4.7 хувь нь өндөр настнууд байна.

Боловсролын салбарт гарч байгаа нэг шинэчлэл бол ЕБС-ийн сурагчдын амжилтыг 1-8 гэсэн үнэлгээгээр дүгнэх. Энэ нь хүүхдийг сайн, муу гэхээсээ илүүтэй цаашид амжилт гаргахад дэмжлэг болно. Мөн сурагчийн алдааг бодитой олж харах программчилсан системийг сургуулиудад нэвтрүүлээд байна. Үүнийг энэ онд улам боловсронгуй болгоно гэж Боловсролын Үнэлгээний төвийн захирал н.Ган-Эрдэнэ хэллээ.

Өнгөрсөн жил 780 сургуулийн улсын шалгалтыг анх удаа нээлттэй даалгаврын сангаас зохион байгуулснаар шалгалтын тест задардаг гэх хардлагад цэг тавьсан гэдгийг тэрбээр онцоллоо.

“Эрүүл шүд- эрүүл хүүхэд” үндэсний хөтөлбөрийг 2018-2022 онд нийт 37 тэрбум төгрөгийн төсвөөр хэрэгжүүлэх шийдвэрийг Засгийн газар өнгөрсөн онд гаргасан. Хөтөлбөр хэрэгжсэнээр хүүхдийн шүдний өвчний тархалтыг 30 хувиар, цоорлын эрчмийг дөрвөн нэгжээр буурна гэж үзэж байгаа юм. Шүд, амны хөндийг эрүүлжүүлэх эмчилгээний өртөг өндөр. Мөн эмчилгээний цаг хугацаа урт зэрэг нь шүдний эрүүлжүүлэлт хангалтгүй байх үндсэн шалтгаан болдог. Тус хөтөлбөр хэзээнээс хэрэгжиж эхлэх нь иргэдэд хүлээлт үүсгэж байгаа учраас энэ талаар Эрүүл мэндийн сайд Д.Сарангэрэлээс тодрууллаа.

Сүүлийн жилүүдэд хүүхдүүдийн дунд шүд, амны хөндийн өвчлөлийн тархалт нэмэгдэж байна. 2011 онд хийсэн судалгаагаар шүд цоорох өвчний тархалт 5-6 насанд хамгийн их буюу 90 гаруй хувьтай гарчээ. Харин өнөөдрийн байдлаар улсын хэмжээнд шүд цоорох өвчтэй 2-12 насны 725 мянга 600 гаруй хүүхэд байна.