Mongolians in Australia Подкастыны 28 дах дугаар. Энэ дугаараар "Kangaroo" олон улсын боловсрол зуучлалын төвийн Боловсролын зөвлөх Бүрэнбазарын Гэрэлмаа орж байна. Гэрэлмаа маань Австралид Бизнесийн чиглэлээр Бакалаврын зэрэг хамгаалсан бөгөөд одоо "Macquarie" их сургуульд Media and Communication чиглэлээр Магистар зэрэг хамгаалахаар сурч байгаа. Тэрээр Боловсрол зуучлалын чиглэлээр 2018 оноос хойш ажиллаж байгаа. Өнөөдөр бид 2 Австрали улсыг зорьж суралцахаар ирэх гэж байгаа болон энд ирээд сургуулиа шилжилжүүлэх эсвэл аяллах гэж байгаа хүмүүсд их хэрэгтэй мэдээллүүд хүргэнэ гэж найдаж байна. Youtube channel -г Subscribe хийж дэмжээрэй! Хүлээн авч сонсоно уу!

Өнөөдрийн дугаараар сэтгүүлч Жаргалсайханы Ундрахбаяр орж байна. Ундраа маань СУИС-ын Радио телевизийн дээд сургуулийг Сэтгүүлч, хөтлөгч мэргэжлээр мөн Хүмүүнлэгийн ухааны их сургуулийг Хэл шинжлэл, орчуулагчаар  тус тус төгссөн. Монголд оюутан байхаасаа л сэтгүүлчээрээ ажиллаж  эхэлсэн ба UBS телевизийн Мэдээний агентлагт ажиллаж байсан. Тэрээр гэр бүлийн хамт Австрали-д ирээд  3 жил гаруй болж байгаа. Энд ирээд “Австрали мэдээг Монгол хэлээр” гэсэн Facebook хуудас (page) ажиллуулдаг ба одоо “SBS Mongolian” аудио хөтөлбөрийн Продюсераар ажиллаж байгаа ийм л мундаг, сэтгүүлч, хөтлөгч бүсгүй Мельбүрн хотоос оролцож байна.

Ганбаярын Дэмбэрэл,  2010 онд БХИС /Батлан хамгаалах их сургууль/-г Төрийн захиргааны удирдлага, Эрх зүйч мэргэжлээр төгссөн.  Хил хамгаалах байгууллагад Албаны нохой сургалтын төвд багш байсан. Австрали улсад ирээд 2 жил болж байгаа бөгөөд  Баруун Австралийн Перт хотод ирээд жил гаруй болж байгаа. Дээгий маань мотоцикл сонирхогч, Монгол шахайн харвааг энд дэлгэрүүлэх хүсэлтэй, сайн дурын хандивын үйл ажиллагаанд идэвхитэй оролцож, зохион байгуулдаг ба одоогоор Astral skills Institute -д зайнаас сурч байгаа ийм нэгэн хүсэл тэмүүлэлтэй, олон талын сонирхолтой залууг оюутан залуучуудын төлөөлөл болгон ярилцахад бэлэн болоод байна.

Mongolians in Australia Подкастын  25 дах дугаар. Энэ дугаараар Сидней хотоос Батболдын Болортуяа гэх бүсгүй орж байна. Болороо буюу Тоожий маань Монголд 2012 онд  Анагаахын Их сургуулийг Хүний их эмчээр төгсөөд, Яаралтай түргэн тусламжийн газарт  Дуудлагын эмчээр ажиллаж байсан. Мөн  Улсын клиникийн 1-р төрхөд Эх барих эмэгтэйчүүдийн нарын мэргэжилийн эмч болон Эхоны эмч хийж байгаад 2017 онд Австралид ирж байсан ба одоо нөхөр хоёр охины хамт амьдардаг. Одоо Сидней хотод  Эмэгтэйчүүдийн хувийн эмнэлэгт Туслах эмч  хийдэг. Австралийн Сидней  хотод  2021 оны 11 сарын 6-нд ANB bodybuilding тэмцээнээс Bikini ангилалаас нь  Хүрэл  медал авч чадсан ийм л эрч хүчтэй, даячин бүсгүйтэй ярилцаж байна.

Mongolians in Australia подкастын  24 дэх дугаар. Өнөөдрийн дугаараар NSW мужаас Энхболдын Батбаяр гэх залуу орж байна. Батбаяр маань Монголд МУИС ийн Газарзүй Геологийн Факультетыг Геологич мэргэжилээр Бакалавр хамгаалсан  ба дараа нь ШУТИС-н Геологи Уул Уурхайн сургуулийг Геологийн шинжлэх ухааны Мастер зэрэг хамгаалсан байдаг. Анх 2019 онд Австралийн Тасмани аралд ирж байсан ба одоо NSW мужид эхнэр 3 хүүхдүүдийн хамт амьдардаг.  Австралид ирээд Тасманийн Их сургууль-г (University of Tasmania)  Хайгуулын геологич мэргэжилээр Мастерын зэрэг (Master of Eсonomic Geology) хамгаалсан ба одоо NSW мужид Төлсийн ахлах геологич хийдэг ийм чадварлаг залуутай хийсэн ярилцлагыг хүлээн авч сонсоно уу.

Mongoliаns in Australia Podcast -н 23 дах дугаар буюу Манай подкастын 1 жилийн ойд зориулсан тусгай дугаар эхэлж байна.  2020 оны 11 сарын 15-ний энэхүү өдөр анхны подкаст маань Youtube дээр нийтэд цацагдаж байсан байна. Энэ 1 жилийн ойн тусгай дугаараар нэгэн тусгай зочин болох Мэльбүрн хотоос Сүхбат (Миний хань) орж байна. Сүхээ маань Циркийн морин дээрх үзүүлбэрийн жүжигчинээр буюу Trick Rider-аар Солонгосын Чежү арал дээрх Морины Циркд ажиллаж байгаад 2011 оноос Австралид ирж, эндэхийн El Cabalo Blanco, The Horseman from the Snowy river гэх мэт Морины шоунуудад Морин дээрх жүжигчинээр (Trick Rider)-р ирж байсан ба Австралийг бид тойрон аяллаж байсан байдаг. Хань маань  Walt Disney Pictures компаний 2020 оны бүтээл болох Mulan кинонд Орлон тоглогчоор буюу Stuntman Riding double -р оролцон тоглосон ийм мундаг хүнтэй та бүгдийг уулзуулах гэж байна.  Нэг жил миний подкасттай хамт байсан таньд маш их баярлалаа. Цаашдаа олон сайхан зочид оруулж, сонирхолтой, хэрэгтэй мэдээлэлтэй подкастууд хийж байх болно.

Mongolians in Australia подкастын  22 дах дугаар. Өнөөдрийн дугаараар Queensland мужийн Gold Coast хотоос Оюунцэцэг эгч орж байна. Оюунцэцэг эгч маань Монголд МУИС ийн Математик Компьютер сургууль төгсөөд, дараа нь МУИС-д Санхүүгийн мэргэжилийг дахин эзэмшсэн байдаг. Анх 2010 онд Австрали улсад ирж байсан ба одоо Queensland мужийн Gold Coast хотод нөхөр 2 хүүхдийн хамт амьдардаг.  Aвстралид ирээд Gold Coast хотын TAFE институт,  University of Southern Queensland-г суралцаж төгссөн.  Тэрээр “Cook Medical Australia”-д чанарын албанд ажиллаж байгаад саяхан “Future Assist” санхүү хөрөнгө оруулалтын газарт Нягтлангаар ажиллаж байгаа. Мөн Оюунцэцэг эгч маань Queensland мужийн Монголчуудын Холбооны Тэргүүнээр 2020 онд сонгогдоод ажиллаж байгаа.

Mongolians in Australia подкастын  21 дэх дугаар. Өнөөдрийн дугаараар “Blue Water Accommodation & Study service” буюу Австралид хөрөнгө оруулах, сурах хүмүүст зөвөлгөө зуучлалын газрын захирал, үл хөдлөх хөрөнгө оруулалтын стратегч, Боловсрол, Аялал Үл хөдлөх хөрөнгийн зууч, Mortgage broker  Булганмаа орж байна. Булганмаа нь Програмист мэргэжилтэй, Австралид  Мэдээлэл Харилцааны технологиор Мастер зэрэг хамгаалсан.  Анх 2007 онд Сидней хотод ирж байсан ба 2012 оноос Сиднейд гэр бүлийн хамт суурин амьдарч байгаа.

Энэ дугаараар Баруун Австралийн Перт хотоос тус хотын Куртиний их сургуульд МВА буюу Бизнесийн удирдалагаар Мастер хамгаалж байгаа залуу үеийн төлөөл болох Балчинлувсан -тай ярилцахаар сууж байна. Балчаа маань 2019 оны 11 сард Австралид анх ирж байсан бөгөөд Баруун Австралийн Монголчуудын холбооны Оюутан залуучуудын зөвлөлийн ахлах хийж байгаа. Монголд Төрийн захиргааны удирдлага мэргэжилээр Бакалавар зэрэг хамгаалсан ийм мундаг залуу орж байна.  Манай подкастанд Subscribe хийгээрэй. Баярлалаа!

Энэ дугаараар Сидней хотоос "MOZ visa services" мөн "MOZ express” ачаа тээврийн компаний захирал Заяа эгчтэй ярилцлаа. Анх 2000 онд Мэльбурн хотод ирж байсан ба Victoria University-г Олон улсын бизнес  мэргэжилээр мастерийн (Master of International Business) зэрэг хамгаалсан. 2004 оноос хойш Сидней хотод ирж ажиллаж, амьдарч байгаа бөгөөд "MOZ visa services and express” компаниа 2009 оноос эхлэн албан ёсоор үйл ажиллагаагаа эхлүүлсэн байна. Та бүхэн ярилцлагаа тухлан сонсоно уу.