Домбыраның күмбірі – уақыттың жан сыры. 1930-1940 жылдар тарихын тарихшылар дерекпен, әдебиетшілер сөзбен өрнектесе, күйшілер күймен сыр ғып шерткен. Қазақстан Республикасының мәдениет қайраткері, күйші, ғалым Мұрат Әбуғазы Әбікен Хасеновтің «Қоңыр», Әбдінің «Зар қосбасарының» тағдырын, тарихын тәпіштеп түсіндіреді. «Қоңырдың» әуелгі аты «Қара» болған екен. Сол жылдардағы ұлт басындағы қап-қара түнек, қара бояуды суреттеген бұл күйден орындалмаған таудай арман, қан жылаған халықтың зарын тыңдайсыз.  

“Open mind” жобасы аясында шығып жатқан бұл әңгіме-лекциямыздың бас демеушісі – «Сорос-Қазақстан қорының», «Адам құқықтары жөніндегі» бағдарламасы