Әр халықтың басынан кешкен ерекше бір қаралы күндер, қаралы жылдар болады. Қазақ үшін XX ғасырдың алғашқы жартысы сынаққа толы болды. Кеңес өкіметінің орнауының өзі қиямет болды. Жеңіске жеткен қызылдардың мың лаңы қалың елді алдан күтіп тұр еді.
Малға бай да, ойға бай да, көшпенді де - әйтеуір, кім болса да, міншіл, қабағынан қар жауған, қылышынан қан тамған Қызыл империяның қолайына жақпады.
Бұ дүниеде де қыл көпір деген нәрсе бар болса, бүтін халық бір мезетте сол көпірге тоғытылғандай болды.
Тарих ғылымдарының кандидаты Шәмек Тілеубаевтың мына сөзіне назар аударыңызшы:
“1980-90 жж саяси қуғын-сүргін құрбандарын ақтау болды. Сол кездегі саяси бюроның хатшысы Яковлевтің баяндамасында айтылады: “Қиыр Шығыстағы ГУЛАГ лагерлер жүйесіне қарай НКВД орынбасары екі көмекшісімен бара жатқан. Қолдарында сол лагерлер жүйесіндегі тұтқындардың іс-қағаздары. Пойызда үшеуі ішіп отырып, “Кім тұтқындардың жеке істерінің сыртына “Р” деген белгі (растрел) деген белгіні көп қояды?” - деп жарысқан. Әрине, шені жоғары бұл жеңісте “жеңіске” жетеді. Олар сол сапарда 20 000 тұтқынның жеке ісіне “Р” қойып, 20 000 адам атылған. Социалистік жарыстың бұл түрі Мәскеу маңында ғана емес, облыс-облыстарда, уездерде, тіпті кішкентай ауылдарда да “кім халық жауын көп табады?” деген ұранмен жүрген...”
КСРО-ның жендеттері бір емес, мың емес, миллиондардың тағдырына Құдайдай иелік етті.
Тек архив деректерімен сөйлейтін тарихшының оекциясын тыңдаймын десеңіз, - мархабат!
“Open mind” жобасының демеушісі - “Сорос-Қазақстан” қорының “Адам құқықтары” бағдарламасы.