ميديكازون بودكاست

الناسور الشرجي مشكلة بتضايق ناس كتير وبتعوق حياتهم في أوقات كتير، فمنهم اللي بيمشي ورا الوصفات الطبيعية والأعشاب على أمل إنها بتعالج الناسور وده طبعاً نتيجة خوفهم من العملية، هل الكلام ده صح؟ اعرف الإجابة من الدكتور أحمد سامي- استشاري الجراحة العامة وجراحة المناظير والشرج بالليزر- في حلقة #ميديكازون_بودكاست الجديدة.

الخصية المعلقة، الخصية النطاطة، العضو الذكري المدفون، الطهارة ومشاكلها، تصحيح الجنس للمولود، الإحليل البولي السفلي، الفتق الأربي في الأطفال، كل دي موضوعات هيُثيرها الدكتور محمد فتحي -أستاذ جراحة الأطفال والمناظير وتجميل الأطفال بكلية الطب واستشاري جراحه الأعضاء التناسلية ومجرى البول في الأطفال- في حلقة #ميديكازون_بودكاست الجديدة.

معلومات كتير عن الحقن المجهري وطرقه، ومعلومات أكتر عن أمراض بتعوق الحمل وازاي الأطباء بيتعاملوا معها عشان يوصلوا لأعلى فرص للحمل، كل ده هنعرفه في حلقة #ميديكازون_بودكاست الجديدة مع الدكتور هشام الفزاري، استشاري الحقن المجهري والمناظير والحمل الحرج.

قعدت الصحاب ونصايحهم قبل ليلة الدخلة، وضغط الأهل على العريس، وسؤال القرايب: أنت عملت إيه كنت جامد ولا كسفتنا! كل ده بيعمل ضغط على العريس ليلة الدخلة وللأسف بيتعامل مع العلاقة الحميمية الأولى وكأنها اختبار ينجح أو يفشل فيه وده بيزود القلق والتوتر وللأسف بيأثر بالسلب على أول ليلة في الحياة الزوجية.  في حلقة #ميديكازون_بودكاست الجديدة مع الدكتور عمرو المليجي -استشاري الذكورة والعقم- هنعرف أهم النصايح للاستعداد لليلة الدخلة وأهم المشاكل اللي ممكن تقابل الزوج وازاي يتغلب عليها.

قرار إجراء جراحة للتخلص من الوزن الزائد مش سهل وبيحتاج تفكير كتير وكمان اختيار نوع الجراحة بيحتاج تفكير أكتر، في حلقة #ميديكازون_بودكاست الجديدة مع الدكتور أحمد حاتم -استشاري جراحات المناظير والسمنة- هتعرف الفرق بين عملية تكميم المعدة وتحويل المسار وازاي بيقرر الدكتور نوع العملية المناسبة للمريض.

في حلقة #ميديكازون_بودكاست الجديدة مع أخصائي التغذية العلاجية والتحاليل الطبية محمد محمود هتعرفي ازاي تجهزي جسمك صح للحمل وازاي تتغذي تغذية سليمة أثناء فترة الحمل، وكمان هتعرفي طريقة تغذيتك الصحيحة أنت وطفلك الرضيع بعد الولادة.

خشونة الركبة هتحصل هتحصل بس في أي مرحلة عمرية!

ازاي نأخر حدوث خشونة الركبة وازاي نتعامل معاها لو موجودة ده اللي هنعرفه في حلقة #ميديكازون_بودكاست الجديدة مع الدكتور إبراهيم جادو، استشاري جراحة العظام والمفاصل الصناعية.

أول ما بدأ استخدام المناظير في الجراحات كان في جراحات السمنة وعملت تطور رهيب في المجال ده وبعد كده بدأوا الأطباء يستخدموها في الجراحات المتقدمة ذي جراحات الأورام واستئصال المرارة والزائدة الدودية وغيرها. هنعرف معلومات كتير عن وسائل علاج السمنة الجراحية وغير الجراحية وكمان إزاي المناظير ساعدة في الجراحات المتقدمة في حلقة #ميديكازون_بودكاست الجديدة

الانزلاق الغضروفي وخشونة الركبة درجات، إيه الدرجات اللي يصلح معها العلاج بالتردد الحراري؟ وهل النوع ده من العلاج بيسكن الألم بس ولا بيقضي على المرض؟ ده اللي هنعرفه في حلقة #ميديكازون_بودكاست الجديدة مع الدكتور أحمد فتحي الشيمي، استشاري جراحات وآلام العمود الفقري.

عشان نحافظ على صحة أسنانا لازم نعتني بيها من الطفولة عشان نتجنب مشاكل كتير ممكن نعاني منها لما نكبر، وعشان ابتسامتنا تبقى جذابة في حاجات كتير ممكن نعملها، تعالوا نتعرف على طرق تجميل الأسنان والحفاظ على صحتها مع طبيب الأسنان محمد حمدي وزميل الكلية الملكية للجراحين بإنجلترا ومؤسس مركز ألتي كير لطب الأسنان في حلقة جديدة من حلقات #ميديكازون_بودكاست.