Хто мы такія, беларусы і беларускі? Што нас аб’ядноўвае? У чым нашая беларуская нацыянальная ідэя?

Чацвёрты выпуск гістарычна-філасофскага падкаста «На ростанях» ужо дасяжны на пляцоўках!

Гэты выпуск прысвечаны пошуку беларускай нацыянальнай ідэі. Вядучыя Ліза Ветрава і Цімох Акудовіч вызначаюць кампаненты нашай сучаснай ідэнтычнасці, разважаюць пра гісторыю барацьбы за незалежнасць і цяперашняе змаганне за дэмакратычныя пераўтварэнні.

Запрашаем да праслухоўвання і абмеркавання!

Калі вам спадабаўся выпуск, мы можаце падтрымаць нашую працу на Patreon ⁠https://www.patreon.com/hodnaby⁠

Гэты выпуск прысвечаны гісторыі і культурнай значнасці беларускай мовы. Размова пойдзе пра этапы развіцця нашай мовы. Пройдземся як па перыядах росквіту, так і па часах заняпаду. 

Вядучыя Ліза Ветрава і Цімох Акудовіч дзеляцца сваімі думкамі пра значэнне беларускай мовы для існавання нацыі, разважаюць пра ролю беларускай мовы ў адукацыі, культуры і паўсядзённым жыцці беларусаў і беларусак. Таксама гутарка пойдзе пра ролю бізнеса, медыя і сацыяльных сетак у захаванні і папулярызацыі беларускай мовы.

Разам з Лізай і Цімохам разбіраемся, як беларуская мова дапамагае фармавацца беларускай нацыі і дзе яе месца ў сучасным грамадстве.

Калі вам спадабаўся выпуск, мы можаце падтрымаць нашую працу на Patreon

https://www.patreon.com/hodnaby⁠ 

Гэты выпуск прысвечаны гісторыі нараджэння і станаўлення дэмакратыі на тэрыторыі Беларусі ад сярэднявечча да сучаснасці. У фокусе размовы – адметныя гістарычныя падзеі і постаці, якія спрычыніліся да прагрэсіўных працэсаў на нашых землях.

Вядучыя Ліза Ветрава і Цімох Ахудовіч разважаюць пра эвалюцыю Вялікага Княства Літоўскага як прыклада дагаворнай манархіі з элементамі шляхецкай дэмакратыі, абмяркоўваюць уваходжанне ў склад Рэчы Паспалітай і асаблівасці тагачаснай беларускай ідэнтычнасці. Акрамя таго, гутарка пойдзе пра працэсы ў Расійскай імперыі, якія змянілі палітычны ландшафт рэгіёну і прывялі да стварэння першай беларускай нацыянальнай дзяржавы - Беларускай Народнай Рэспублікі.

Калі вам спадабаўся выпуск, мы можаце падтрымаць нашую працу на Patreon https://www.patreon.com/hodnaby 

У першым выпуску «Сімвалы Беларусі» Ліза і Цімох абмяркоўваюць гісторыю і значэнне ключавых нацыянальных сімвалаў: герба «Пагоня», традыцыйнай беларускай вышыванкі, а таксама слуцкіх паясоў. 

Дзеляцца сваімі ўражаннямі і разважаннямі пра тое, як гэтыя сімвалы адлюстроўваюць мінулае, сучаснасць і будучыню беларускага народа, іх значэнне ў фармаванні нацыянальнай самасвядомасці і ўнёсак у развіццё беларускай культуры.

Калі вам спадабаўся выпуск, мы можаце падтрымаць нашую працу на Patreon https://www.patreon.com/hodnaby