Duela egun batzuk estreinatu ditu Netflix plataformak 'Bridgerton' telesaileko hirugarren denboraldiko azken atalak. Milioika ikusle izan ditu dagoeneko eta horren harira, Maialen Tellabide musikariak bertan entzuten den musikari buruz hitz egin digu. 

Plaza asko zapaldutakoa da Itxaso Treku, izan ere Laiotz taldeko abeslaria izan da urtetan, eta egun Itzal erromeriarekin dabil. Baina horrez gain, harrijasotzailea ere bada eta familian ere hurbil izan ditu herri kirolak.

Altzagaratetik dator gure gaurko gonbidatua, Esanezin proiektuaren buru eta bihotz den Ianire Aranzabe baitugu gurean, iaz, azaroan kaleratu zuen bere bigarren lana, Erretratu bat, eta honen inguruan aritzeko etorri da gurera kafea hartzera.

2023ko urtarrilean lehen urratsak ematen ari zen Harrika kolektiboa. Gasteizen techno jaialdi queer eta feministak egiten hasi zen proiektuak bilakaera nabarmena izan du denbora tarte honetan eta uztailaren amaieran Harrikada Festibala egingo dute Izarran.

Kathleen Martinez arkeologo dominikarrak urteak daramatza Kleopatraren hilobiaren bila. Azken bi urtetan bere taldeak egindako ikerketan arabera, ur azpian egon daiteke. 

Zerk bultzatzen gaitu kolektiboan aritzera? Nola lagun diezaioke arteak desira kolektibo horri? Zein toki du plazerak? Galdera horiek erantzutea du helburu, Iruñean, gaur hasi eta bihar bukatuko den ERRAIAK_ programak. 

Madrilgo Prado Museoak ikusgai jarri du Caravaggioren 'Ecce Homo' artelana. 2021eko martxoan, Ansorena enkante-etxeak 1.500 eurotan jarri zuen salgai, ustez Jusepe de Riberaren ikasle batek egindakoa baitzen, baina aditu italiarrei esker, Caravaggioren obra bat zela deskubritu zuten. 

Musikaria izaten ikasten ari omen da Amorante. Rodrigo Amarante musikari brasildarraren eta Enrique Morente flamenko kantariaren abizenak nahastuz sortu zuen bere bakarkako katarsia, duela 10 urte.

Adimen Artifiziala garatzen doa, eta geroz eta erabilera gehiago eskaintzen dizkigu teknologiak. Ezagutzen genuen testuak idazteko edo irudiak sortzeko duen gaitasuna, baina gaur euskarazko lau abesti sortzeko eskatu diogu. 

Euskal Wikilarien Kultur Elkarteak eta Euskal Herriko Gay-Les Askapen Mugimendua den EHGAMek antolatuta ‘Nola landu LGBTI+ gaiak eta biografiak Wikipedian?’ lantegi irekia egingo da ekainaren 8an Donostiako Teila Fabrikan. EWKEko Aiora Mujikak eman dizkigu xehetasunak Bigarren Kafean.