’Hilak’ diskoa aurkeztu berri du Kerobiak. Taldearen 20 urteak ospatzeko, duela aste batzuk ezagutu genuen euren itzulera, eta duela egun gutxi Iruñeko kontzertuan zaleei jakinarazi zieten Kerobiak jarraitu egingo duela eta disko berria zekarrela. 

'Izarak' eleberria aurkeztu du gaur goizean Goizane Aizpuruak Durangoko Azokan. Debako idazlearen lehen eleberri honetan identitatearen bilaketa prozesu bat ezagutuko dugu, ertz guztietatik: gorputza, generoa, intimitatea, maitasuna...

25 urte bete dira Mikel Urdangarinek bere lehen lana kaleratu zuenetik: ‘Haitzetan’. Geroztik oholtzaz oholtza ibiltzeaz gain, 18 disko argitaratu ditu. Mende laurdena ospatzeko lehen disko horren berrargitalpena ekarri du Durangoko Azokara Urdangarinek, eta Bigarren Kafean izan da hura aurkezten.

‘Kandelikara. Buñueli buruzko film baterako apunteak’ liburua aurkeztu du Harkaitz Canok Durangoko Azokan. Jostetan ibili da Cano, handik eta hemendik, artista askoren testu, film, elkarriketa zati eta poemekin osatu du Luis Buñuel idazlearen inguruko «remake» hau.