Maiatzaren 19an banatuko dira Musika Bulegoa Sariak, Biarritzeko ATABAL Gaurko Musiken Gunean. Sari banaketaren atarian, Aitor Bengoetxea Musika Bulegoko lehendakaria izan da gurean.

Urteko ezusteko musikal atseginenetako bat izan da Verde Prato. Zazpi abestiko lana argitaratu du Ana Arsuaga tolosarrak martxo bukaeran: 'Kondaira eder hura'. Diskoaren izenak iradokitzen duen bezala, ederra da Anak sortu duen unibertso musikala.

Garikoitz Ríos Urbaneta gonbidatu dugu gurera; izpiritu berritzailea gorpuzten duen profesionala. 31 urte baino gehiago eman ditu txakolinari begira eta bere sekretuak destilatu ditu tantaka, presarik gabe, maisuek egiten duten moduan.

Joko ote du pianoa berriro Keith Jarrettek? Oraingoz ez da oholtzetara itzuli, baina bere ondarea zabala eta mamitsua da. Jarreten inguruan hitz egiten jarri ditugu 4 pianista: Joserra Senperena, Juantxo Zeberio, Koldo Uriarte eta Iñigo Ruiz de Gordejuela. Hau duzue lehen atala.