Abenduan ospatzen den Durangoko Azokaren ondorioz, urtarrila sorkuntza aldetik hilabete gogorra izanik, hainbat taldek argitaratu dituzte beren lanak, esaterako, Broken Brothers, Tzar, Skabidean, Horma eta Vulk, besteak beste.

Ane Barcena, Kattalin Barcena eta Javier Jorajuriak osatzen dute J Martina taldea. Hainbat single kaleratu ostean, ‘Jaio naiz baina’ deituriko EPa kaleratu dute, 6 abestiz osatua, eta hura aurkezten izan dira MusikHaria saioan. ‘Baina’ bat baino gehiago topatu ditugu J Martinaren lehen albumean.

Izkander Fernandez musika adituarekin aipatu dugu jaialdia, izan ere musika estilo konkretu baten bueltan sortu da eta 2000. hamarkadan arrakasta izan zuten izen asko elkartuko dira bertan. Haietako batzuen ibilbideari errepasoa eman diogu MusikHarian.

Zazpikote zuberotarrak bigarren diskoa kaleratu du 2021a bukatu aurretik, 2018an ‘Maulemuffin’ diskoari jarraipena emanaz. Migrazioaren krisiaz, presoez eta klase politikoaz idatzitako kantuak idatzi dituzte, aldarte onari eta reggaeak duen energia positiboari uko egin gabe.

Lau kantu ekarri dizkigu ohikoa den moduan ‘Zarata’ tartera, baina oraingoan besapean saria duela etorri da. Mende laurdeneko ibilbidea egin ostean, Koska saria eman diote Bárbarari musikaren zabalkundean egin duen lanagatik. NAIZ Irratian ere astero egiten du zabalkunde horretan ahalegina.

Beste Bat saioak egin zituzten urtarrilean Sueder talde gernikarrekoek eta 2021ean disko berria kaleratu zuten, ‘Drama barik’ deiturikoa. Lanari buruz gehiago jakin nahi izan dugu MusikHaria saioan eta Unai Aldekozea eta Xabi Larrainzar izan dira hura aurkezteko.

Bigarren lan luzea kaleratu du Julen Alonso (Orio, 1996) musikariak, ‘Eskuetan bihotza’. Trikitirik ez duten piezak biltzen ditu lan berriak eta bide berrietara bideratu du bere sorkuntza oriotarrak. MusikHaria saioan izan da, iragarri berri duen eten mugagabearen aurretik diskoa aurkezten.

Zuzenean aurkezten aspaldi hasi baziren ere, urtarrilaren 28an kaleratu du bere lan berria Vulk talde bilbotarrak. ‘Vulk ez da’ izeneko diskoarekin datoz eta euskara hutsean egingo zutenaren zurrumurrua baieztatu egin da. Erritmo aldetik ere lan handia egin eta buelta bat eman diote beren musikari.

MusikHaria saioko Izkander Fernandez kolaboratzaileak melomanoenentzat osatu du zerrenda. Bidaia moduko bat planteatu du eta lehen abestitik azkeneraino nola iritsi den kontatu digu.

Annton Goikoetxea, Christian Rodriguez eta Josu Ximun Billelabeitia dira Lukiek talde mungiarra osatzen dutenak. Duela hiru urte kaleratu zuten ‘#1’ debuteko lana eta zeresana eman zuen, orain, 2021a bukatzear zela, ‘#2’ deiturikoa aurkeztu dute. Josu Ximun Billelabeitia izan da MusikHaria saioan.