Bigarren lan luzea kaleratu du Diabolo Kiwi talde baxenabartarrak, ‘Uhin galduak’. Doinu dantzagarriak, baina bidaia espazial bat iradokitzen dutenak, libertimendurako tarte zabalak utziaz. Leire Iribarne eta Julen Etxeberri taldekideak MusikHaria saioan izan dira diskoari buruz hizketan.

Mila proiektutan murgilduta dabil uneoro Joseba Irazoki (Bera, 1974), baina bere buruan dituen melodiak disko bihurtzeko beta ere hartzen du tarteka. Lagunekin osatutako taldeari eman dio garrantzia ‘III’ diskoa aurkezterakoan; alta, hemendik aurrera JIEL moduan ere ikusiko dugu maiz karteletan.

Aurreko astean 1991 urte emankorrean murgildu ginen beste behin, baina oraingo honetan 2021eko udak eman duenari begira jarri da Lemoako musika aditua.

Iker Bárbarak, Zarata Mondosonoro aldizkariko zuzendariak, astero kantuz betetako tartea ekarriko du MusikHaria saiora, beste denboraldi batez. Lurpeko bidaia musikala egingo dugu asteartero kazetari bilbotarraren eskutik.

Musikarekin jolasean aritu da Iker Martinez de Zuazo (Oñati, 1977) eta Zaldi Herrenak lagun hartuta, bakarkako hirugarren diskoa kaleratu du, ‘Hegaldiak’. Doinu gozoak eta zentzu bikoitza hartzen duten mezuz betetako hamar abesti jasotzen ditu bildumak.

Musikari donostiarrak lau urtean lau urtaroren inguruan idatzitako disko bana kaleratzeko erronka zuen aurrez-aurre eta bete du. Gainera, iragarri bezala, kantu freskoz beteta etorri da ‘Uda’ diskoa. Victoria Eugenia antzokian aurkeztuko du urriaren 6an emango duen kontzertu berezian.

Denbora mugagabe baterako agurtu da ‘Emen Gonak’ saioa. Agurra ez da betirako, etorkizunean itzultzeko asmoz agurtu baitute bigarren denboraldi hau. Saioari merezi duen agurra egiteko, saioko protagonista izan den Birkite Alonso elkarrizketatu dugu MusikHaria saioan.

Markel Barriola, Unai Urkiola, Mikel Sagastibeltza, Manex Moreno, Oinatz Mariezkurrena eta Julen Zeballos, Katez taldea osatzen duten kideak dira horiek. Seiko leitzarrak ‘Argiz iluntzen’ diskoa kaleratu berri du eta haietatik hiru, Markel, Unai eta Julen, izan dira MusikHaria saioan lana aurkezten.

Madeleine laukote donostiarrak disko berria kaleratu berri du 2021eko uztailean. DabaDaban bi egunetan aurkeztu ostean, hurrengo emanaldiaren zain lasai itxaron beharko dute orain haien zaletuek, ez baitituzte kontzertu asko ematen. Gartxot Unsain taldekidea izan da MusikHaria saioan lana aurkezten.

Bederatzigarren diskoa kaleratu berri du Audience talde gernikarrak. Lau tolesduratan ulertu daiteke diskoa, izenburuari zentzu bat emateko modua eskuratuz horrela. Baina bakoitzak atera ditzala kontuak, Audiencekoek ez dute eta azalpenik emango horren inguruan. MusikHaria saioan izan dira.