Iker Bárbarak mimo handiz egin du beste behin MusikHaria saiorako kantuen hautakea. Ezohikoak diren taldeak ekarri ditu oraingo honetan eta underground zirkuituan murgildu gara kazetari bilbotarraren eskutik.

Disko berria kaleratu du oraintxe Eneritz Furyak (Irun, 1993) musikariak. ‘Emadan’ izeneko diskoa iluna dela dion arren, iluntasun horretan argia bilatzea norberaren lana da. Izan ere, mezu indartsu eta baikorrak ere barnebiltzen ditu artista irundarraren lan berriak.

Izkander Fernándezek aitorpen bat egin digu MusikHaria saioan. Emozioak gidatzen du askotan bere musika hautaketa eta kantuek sortzen dioten emozioetako bati tiraka egin du aste honetako aukeraketa.

Martxoaren 21ean sartuko gara ofizialki 2021eko udaberrian. Musikaren historian askotan jorratu den gaia eta batzuetan topikoz beteta egon daitekeela ere pentsa genezake, baina ez beti, eta hori erakutsi digu aste honetan Marina Landak MusikHarian.

Bigarren lan luzea kaleratu berri dute Don Inorrez taldekoek. ‘Esku hutsik’ deitu diote lanari, baina rockez beteta dator diskoa. Rockez, eta beste gauza gehiagoz ere bai 10 kantuz osatu duten lan honetan. MusikHaria saioan izan dira Karlos Aranzegi eta Imanol Ubeda taldekideak.

Chill Mafia taldekoek ‘Ezorregatik x Berpizkundea’ izeneko mixtapea atera zutenetik hilabete pasa da. Sareko polemikak baretu direnean MusikHaria saioan izan da Kiliki Frexko, egin duten lanaz eta beren proiektuaz hitz egiteko. Beren benetako aurpegia ezagutzeko aukera izan dugu.

‘A cara o cruz’ kantuaren bideoklipa sareratu zuten duela egun gutxi, 360ºko teknologia erabiliaz eta martxoaren 20an ekingo diote hiriburuetan eskainiko dituzten kontzertuei. Enrikko Rubiños izan da MusikHaria saioan xehetasunak kontatzeko.

Aste honetako ‘Zarata’ tartean, ‘Akelarre’ pelikulako soinu bandaren egileei omenaldi xumea egiteaz gainera, emakumeek pisu handia hartu dute Iker Bárbara kazetariaren aukeraketan.

Martxoaren 8a pasa berritan, emakumeen aldeko aldarri bat ekarri digu Marina Landa ikerlariak aste honetako bere tartera. Izan ere, oinarrizko eskubideak aldarrikatzen direnean, gozamena askotan bazterrean geratzen dela dirudi. Kantuen bidez egindako aldarriak entzun ditugu Landarekin.

Zazpi kantu mardulez osatutako disko indartsua kaleratu du Ameba talde usurbildarrak. Bertsio emanaldi baterako elkarketa bat izan zenak, lehen lana kaleratu du eta egurra eman asmoz direla kontatu digute MusikHaria saioan. Hartu eta emateari garrantzia eman diote ‘Elikatuz’, diskoaren tituluarekin.