Urtarrilean ekin genion saioari eta gaur arte, momentuko arrakastarik handienak entzunten izan gara astero. Ibilbidearen hasiera hartatik gaur arteko berrikuntzarik handienak biltzen saiatu gara denboraldiko azken honetarako, 'Prest!' saioak ere uda giroa bai du.

2017. urtean eman zuten ezagutzera 'Him & I' izeneko lana G-Eazyk eta Halseyk Dance eta estilo elektronikoa uztartuz. Euskal Herrian ere sona itzela lortu zuen bere garaian, eta ederra da oraindik atzean geratzeko asmoak erakusten ez dituela ikustea.

Joan zen hilabete amaieran jakin genuen Mabel disko berriarekin geraturatuko zaigula laster, eta beraz, hasiak dira ezagun egin ziren bere kantuak zerrendetan berriro ere gorako bidea hartzen. 24KGoldn rapeatzailearen elkarlana jasoko duenaren susmoak ere badira.

DJ zein ekoizle alemaniarrek zerrendaren lehen postuan egotea amesten zuten oraingoan ere, eta hilabete besterik ez duen lanak, lortu du dagoeneko zenbait lurraldetan. On Repeat izeneko elkarlana, arrakasta itzela ari da izaten.

Asteko 'Prest!' saioan, joan zen larunbatean Turinen ospatu zen 'Eurovision' jaialdiko lan batzuk izan ditugu protagonista. Sam Ryder, Krystian Jan Ochman eta Kalush Orchestra igaro dira Naiz irratiaren uhinetatik.

Mundu zabaleko zenbait lurraldetako zerrendetan, lehen hamar postuen artean topa genitzake Bad Bunny rapeatzaile eta konpositorearen disko berriko lan ezberdinak. Horien artean da asteko 'Prest!' saioan entzun dugun, Bomba Estereorekin eginiko 'Ojitos Lindos' elkarlana.