Openbare konsultasies oor Namibië se nasionale konsepbeleid vir plaaslike inhoud in die stroomop-petroleumsektor duur vandeesweek voort, met sessies in Rundu vandag, Nkurenkuru op Woensdag en Katima Mulilo op Vrydag. Die beleid is daarop gemik om plaaslike deelname in die olie- en gassektor te bevorder deur vaardigheidsontwikkeling en werkskepping. Namcor se woordvoerder Paulo Coelho het met Kosmos 94.1 Nuus gepraat en die belangrikheid van gemeenskapsinsette beklemtoon.