Namibiese beesvleis kan binnekort na Kyrgyzstan in Sentraal-Asië uitgevoer word, nadat 'n buitelandse sake-afvaardiging van daardie land 'n strategiese besoek aan Meatco afgelê het. Kosmos 94.1 Nuus het met Meatco se interim-uitvoerende hoof, Albertus Aochamub, gepraat wat sê dat dit die eerste stap in besprekings tussen die twee lande is, en kan lei tot versterking van samewerking in vleisproduksie.