Soos die 2026 akademiese jaar aan die gang kom, maak die polisie alarm oor 'n toename in skoolverwante swendelarye wat ouers en studente teiken. NamPol-woordvoerder, adjunk-kommissaris Kauna Shikwambi, het aan Kosmos 94.1 Nuus gesê dat die publiek uiters waaksaam moet wees en nie enigiemand betaal om skoolplasings te verseker, of persoonlike besonderhede en eenmalige wagwoord-kodes deel nie.