Vlermuise is berug as dit by opnames kom. Om 'n opname van die vlieënde soogdiere te maak is moeilik, om verskeie redes. Daarom het Professor Dan Parker van die Universiteit van Mpumalanga se departement van biologie en natuurwetenskap besluit om akoestiese verklikkers te gebruik. Sodoende het hy 'n vlermuis-spesie ontdek wat nog nie opgeteken is nie. Hanri Wondergem het die week met hom by die agtste jaarlikse Oppenheimer De Beers-groep navorsingsberaad in Johannesburg gepraat. Parker was een van die sprekers.