ထို့ကြောင့် အသက်ရှင်တော်မူထသော၊ လူအပေါင်းတို့ကို အထူးသဖြင့် ကယ်မတော်မူသော ဘုရားသခင်၌ ငါတို့သည် ကိုးစားသည်နှင့်အညီ၊ ပင်ပန်းစွာ အမှုဆောင်ရွက်ကြ၏။ [ ၁ တိ ၄:၁၀ ]

အသက်ရှင်ခြင်း၊ သေခြင်း၊ ကောင်းချီးပေးခြင်း၊ ကျိန်ခြင်းတို့ကို သင့်ရှေ့၌ငါထားသည်ဟု သင့်တစ်ဘက်၌ ကောင်းကင်မြေကြီးကို ငါတိုင်တည်၏။ [ တရား ၃၀:၁၉ ]

မတရားသောသူတို့၏လမ်းမူကား၊ မှောင်မိုက်ကဲ့သို့ဖြစ်၍၊ သူတို့သည် လဲသောအခါ၊ အဘယ်အရာကို တိုက်မိသည်ဟု မသိရကြ။ [ သု ၄:၁၉ ]

ယေရှုသည် ခရစ်တော်ဖြစ်တော်မူသည်ကို ယုံကြည်သောသူမည်သည်ကား ဘုရားသခင် ဖြစ်ဘွားစေတော်မူသောသူဖြစ်၏။ [ ၁ ယော ၅:၁ ]

ယခုတွင် ငါတို့သည် မှန်အားဖြင့် ရိပ်မိလျက်သာ နေကြ၏။ ထိုအခါမူကား မျက်မှောက်ထင်ထင် မြင်ရကြလိမ့်မည်။ [ ၁ ကော ၁၃:၁၂ ]

ငါတို့သည် ကောင်းသောအကျင့်တို့ကို ကျင့်ရမည့်အကြောင်း ယေရှုခရစ်၌ ပြုပြင်၍ ဖန်ဆင်းတော်မူရာ ဖြစ်ကြ၏။ [ ဧ ၂:၁၀ ]

တစ်ဖန် ဘုရားသခင်က ... ငှက်တို့လည်း မြေပေါ်မိုးကောင်းကင် မျက်နှာကြက်ပြင်ဝယ် ပျံစေဟု အမိန့်တော်ရှိ၏။ [ က ၁:၂၀ ]

အကြောင်းမူကား သင်တို့၏ ဘုရားသခင်ထာဝရဘုရားသည် အထက်ကောင်းကင်ဘုံ၌လည်းကောင်း၊ အောက်အရပ်မြေကြီး၌လည်းကောင်း၊ အစိုးရသောဘုရားသခင်ဖြစ်တော်မူ၏။ [ ယောရှု ၂:၁၁ ]

စွန့်ကြဲတတ်သောသူသည် ကြွယ်ဝလိမ့်မည်။ သူတစ်ပါးကို ရေလောင်းသောသူသည် ကိုယ်တိုင် ရေလောင်းခြင်းအကျိုးကို ခံရလိမ့်မည်။ [ သု ၁၁:၂၅ ]