Wa fir déi nei Chipkris keng séier Léisung fonnt gëtt, da wäert et an den nächste Wochen och ee groussen Impakt op d’Produktioune vu vereenzelte Lëtzebuerger Entreprisë ginn. Direkt an indirekt Effekter vun dëser Kris wäerten et da virun allem bei Autoszouliwwer-Betriber och hei am Land ginn, wéi z.B. bei der Firma IEE mat Sëtz zu Biissen.

Hannergrond vun dëser Kris ass de Sträit ronderëm den hollänneschen Chipzouliwwerer Nexperia mam Export-Stopp vu China fir Nexperia-Produkter fir d’Autosindustrie.