Jean-Louis gesels met Sumarie Calitz, skoolhoof van Integrate Learning Solutions, oor die Neon Night Run – ’n inspirerende bewusmakingsinisiatief vir neurodiversiteit. Die gesprek fokus op die belangrikheid daarvan om die breë gemeenskap meer bewus te maak van neurodiversiteit in al sy vorme, sodat kinders en hul families beter verstaan en met oop arms verwelkom kan word.

Die geleentheid vind plaas op 5 Junie 2026 by Integrate Learning Solutions in Eros en bied verskeie afstande, insluitend ’n 2 km stap, 5 km stap of hardloop, en ’n 10 km hardloop. Deelnemers kan uitsien na medaljes en goodie bags vir vroeë registrasie, asook ’n gesellige atmosfeer ná die wedloop met kos, verversings en musiek. Kaartjies is beskikbaar op Quicket. Trek jou neon- of glow-in-the-dark klere aan en kom wees deel van ’n betekenisvolle dag vir die hele gesin.