De Lëtzebuerger Pianist Jean Muller ass ee bekannt Gesiicht an der nationaler, mee och internationaler Klassikzeen.

Och an der neier Saison sinn nees eng Rei Concerte programméiert, déi mat grousser Suergfalt vum Programm hier erausgesicht ginn. Säi kënschtleresche Credo ass et, esou de Museker, sech an de jeeweilege Komponist oder Komponistin eranzeversetzen.

Wéi dat an der Praxis genee ausgesäit a wéi eng Concerte positiv mee och negativ aus de leschte Joren an Erënnerung bleiwen, huet de Museker am Gespréich verzielt.