MTC en die Nasionale Behuisingsonderneming het 'n vyfjaarooreenkoms onderteken om nuwe behuisingsontwikkelings te bou met vesel- en ander telekommunikasie-infrastruktuur wat reeds tydens konstruksie ingesluit is. Dit beteken internetkabels en verwante infrastruktuur kan gelê word terwyl paaie en ander siviele werke gedoen word, wat koste verminder en die uitrol van hoëspoed-internetdienste versnel. MTC-woordvoerder Erasmus Nekundi het met Kosmos 94.1 Nuus gepraat.