Снимањето на независен филм е една од најдобрите алатки со која младите филмски работници можат да започнат да го градат своето портфолио. Никола Кузелов е еден од ретките актери и сценаристи, кој во последните неколку години се занимава со снимање на независни филмови без буџет.  

Меѓу нив се долгометражните филмови „Јавачи на коњи“ и „Те Дуа Жими Мене’’ во режија на Марјан Гавриловски и по сценарио на Никола Кузелов. „Јавачи на коњи“ досега има добиено три награди за најдобар игран филм на филмските фестивали FamFest, Yala Film International и KinEst Fest, додека пак премиерата на „Те Дуа Жими Мене“ се очекува во блиска иднина.

Слушнете го нашиот разговор, откријте повеќе за тоа како се снима независен филм без буџет, кои се предизвиците, што се случувало за време на снимањето на „Те Дуа Жими Мене“ и кои други проекти може да ги очекуваме набрзо!